പിടിക്കപ്പെട്ടാല്‍ സയനൈഡ് കഴിച്ചു ജീവനൊടുക്കാന്‍ ജോളി തീരുമാനിച്ചിരുന്നു
കോഴിക്കോട്: പിടിക്കപ്പെട്ടാല്‍ സയനൈഡ് കഴിച്ചു ജീവനൊടുക്കാന്‍ തീരുമാനിച്ചിരുന്നെന്നു ജോളിയുടെ വെളിപ്പെടുത്തല്‍. അന്വേഷണ സംഘത്തിനാണ് ജോളി ഇത്തരത്തില്‍ മൊഴി നല്‍കിയത്.
ദുരൂഹമരണങ്ങള്‍ നടന്ന പൊന്നാമറ്റം വീട്ടില്‍ പോലീസ് നടത്തിയ തെരച്ചിലില്‍ സയനൈഡ് എന്നു സംശയിക്കുന്ന വസ്തു കണ്ടെത്തിയിരുന്നു. അടുക്കളയില്‍ പഴയ പാത്രങ്ങള്‍ക്കിടയില്‍ കുപ്പിയിലാക്കി തുണിയില്‍ പൊതിഞ്ഞ നിലയിലാണു സയനൈഡ് കണ്ടെത്തിയത്. ജോളി തന്നെയാണ് അന്വേഷണ സംഘത്തിന് എടുത്തു നല്‍കിയത്. ചൊവ്വാഴ്ച വിദഗ്ധ പരിശോധനയ്ക്ക് അയയ്ക്കും. ജോളിയുടെ ഭര്‍ത്താവ് ഷാജു, ഇയാളുടെ പിതാവ് സക്കറിയാസ് എന്നിവരെ തിങ്കളാഴ്ച ഒരുമിച്ചിരുത്തി മണിക്കൂറുകളോളം ചോദ്യം ചെയ്തിരുന്നു. ആ സമയം ജോളിയില്‍നിന്നു ലഭിച്ച വളരെ നിര്‍ണായകമായ വിവരത്തെ കുറിച്ച്‌ ഉടനടി പരിശോധന നടത്താന്‍ അന്വേഷണ സംഘം തീരുമാനിക്കുകയായിരുന്നു.
ക്രൈംബ്രാഞ്ച് ഡിവൈഎസ്പി ആര്‍. ഹരിദാസിന്‍റെ നേതൃത്വത്തില്‍ വന്‍ പോലീസ് സംഘം കൂടത്തായിയിലെത്തി. അന്നമ്മ, ടോം തോമസ്, റോയ് തോമസ്, മഞ്ചാടി മാത്യു എന്നിവരെ കൊന്നത് എങ്ങനെയെന്ന് ജോളി ചോദ്യം ചെയ്യലില്‍ വിശദീകരിച്ചിരുന്നു. ഫോറന്‍സിക് സംഘത്തിന്‍റെ സാന്നിധ്യത്തില്‍ ജോളി പൊന്നാമറ്റം വീട്ടിലും ഇതു പുനരാവിഷ്കരിച്ചു.
Related News
യുവാവ് ഭാര്യയെ കൊന്ന് സ്യൂട്ട് കേസിലാക്കി കത്തിച്ചു; കോവിഡ് ബാധിച്ച് മരിച്ചെന്ന് ബന്ധുക്കളോട് പറഞ്ഞു
ദൃശ്യ കൊലപാതക കേസ്; പ്രതിയെ ദൃശ്യയുടെ വീട്ടിലെത്തിച്ച് തെളിവെടുപ്പ് നടത്തി
പ്രണയാഭ്യര്ത്ഥന നിരസിച്ചതിന് പെണ്കുട്ടിയെ യുവാവ് കുത്തിക്കൊന്നു
തിരുവനന്തപുരത്ത് യുവാവ് വെട്ടേറ്റ് മരിച്ച നിലയില്