കേരളത്തിലെ ആദ്യ മുലപ്പാൽ സംഭരണകേന്ദ്രം ഓഗസ്റ്റിൽ പ്രവർത്തനം ആരംഭിക്കും
കൊച്ചി : കേരളത്തിലെ ആദ്യ മുലപ്പാൽ സംഭരണകേന്ദ്രം ഓഗസ്റ്റിൽ എറണാകുളം ജനറൽ ആശുപത്രിയിലും തൃശൂർ ജൂബിലി മിഷൻ ആശുപത്രിയിലും പ്രവർത്തനമാരംഭിക്കും. റോട്ടറി ഡിസ്ട്രിക്ട് 3201 നടപ്പാക്കുന്ന വിവിധ പദ്ധതികളുടെ ഭാഗമായാണ് ഇത്.
ഇതോടെ മുലപ്പാൽ ലഭിക്കാത്ത കുഞ്ഞുങ്ങൾ നേരിടുന്ന ബുദ്ധിമുട്ടുകൾ ഒഴിവാക്കാനാകുമെന്നാണ് പ്രതീക്ഷ. കൂടുതൽ ആളുകളെത്തുന്നതിനാലാണ് ഈ ആശുപത്രികളെ മുലപ്പാൽ സംഭരണകേന്ദ്രം സ്ഥാപിക്കാനായി തെരഞ്ഞെടുത്തതെന്ന് റോട്ടറി ഭാരവാഹികൾ പറഞ്ഞു. ശ്രീലങ്കയിലെ കൊളംബോ സർക്കാർ മെഡിക്കൽ കോളേജിലും ആഗസ്തോടെ പ്രവർത്തനമാരംഭിക്കും. ഓരോ സംഭരണകേന്ദ്രത്തിനും 30 ലക്ഷം രൂപയാണ് വകയിരുത്തുക.