ഉത്തരക്കടലാസുകളും വ്യാജ സീലുകളും; വൈസ് ചാന്‍സലറില്‍ നിന്ന് ഗവര്‍ണര്‍ റിപ്പോര്‍ട്ട് ആവശ്യപ്പെട്ടു

News Desk

16 July 2019 12:20 PM

തിരുവനന്തപുരം : തിരുവനന്തപുരം: യൂണിവേഴ്‌സിറ്റി കോളേജിലെ സംഘര്‍ഷത്തില്‍ ഗവര്‍ണര്‍ കേരളാ സര്‍വകലാശാല വൈസ് ചാന്‍സലറില്‍ നിന്ന് റിപ്പോര്‍ട്ട് തേടി. സര്‍വകലാശാലയുടെ ഉത്തരക്കടലാസുകള്‍ കൃത്യമായ കണക്കുകളോടെ സൂക്ഷിക്കേണ്ടതാണ്. ഇത് ഒരു വിദ്യാര്‍ഥിയുടെ വീട്ടില്‍ നിന്നുള്‍പ്പെടെ കണ്ടെത്തുന്നു. ഇതില്‍ എന്താണ് സംഭവിച്ചത് എന്നാണ് വൈസ് ചാന്‍സലര്‍ വിശദീകരണം നല്‍കേണ്ടത്. കൂടാതെ സര്‍വകലാശാലയുടെ ഫിസിക്കല്‍ എഡ്യൂക്കേഷന്‍ ഡയറക്ടറുടെ വ്യാജ സീല്‍ കണ്ടെത്തിയ സംഭവത്തിലും വി.സി മറുപടി നല്‍കേണ്ടതുണ്ട്.

വ്യാജ സീല്‍ ഉപയോഗിച്ച് എന്തുതരത്തിലുള്ള ക്രമക്കേടുകളാണ് നടന്നതെന്ന് വി.സി വിശദീകരണം നല്‍കണം. വിഷയത്തില്‍ എത്രയും പെട്ടന്ന് റിപ്പോര്‍ട്ട് നല്‍കാനാണ് ചാന്‍സലര്‍ കൂടിയായ ഗവര്‍ണര്‍ നിര്‍ദ്ദേശിച്ചിരിക്കുന്നത്.