വിശ്വാസവോട്ടെടുപ്പിനു മണിക്കൂറുകൾ ബാക്കി; കോൺഗ്രസ്സ് എംഎൽഎയെ കാണാനില്ല
ബംഗളുരു : കര്ണാടകയില് കോണ്ഗ്രസ്-ജനതാദള് സഖ്യ സര്ക്കാരിന്റെ ഭാവി നിശ്ചയിക്കുന്ന നിര്ണായക വിശ്വാസ വോട്ടെടുപ്പിന് തൊട്ടുമുമ്പായി റിസോര്ട്ടില് താമസിപ്പിച്ചിരുന്ന ഒരു എംഎല്എ ചാടിപ്പോയതായി റിപ്പോര്ട്ട്. കോണ്ഗ്രസ് എംഎല്എ ശ്രീമന്ത് ബാലസാഹേബ് പാട്ടീലിനെയാണ് റിസോര്ട്ടില് നിന്ന് കാണാതായത്. ബുധനാഴ്ച രാത്രി എട്ടു മണി മുതല് ഇയാളെ റിസോര്ട്ടില് കാണുന്നില്ലെന്നാണ് റിപ്പോര്ട്ടുകള്.
പാട്ടീലിനായി വിമാനത്താവളങ്ങളിലടക്കം തിരച്ചില് നടത്തി വരികയാണ്. വ്യാഴാഴ്ച വിശ്വാസ വോട്ടെടുപ്പ് നടക്കാനിരിക്കെ മുഖ്യമന്ത്രി എച്ച്.ഡി.കുമാരസ്വാമിയും ഉപമുഖ്യമന്ത്രി ജി.പരമേശ്വരയും കോണ്ഗ്രസ് എംഎല്എമാരുമായി ഇവരെ താമസിപ്പിച്ച പ്രകൃതി റിസോര്ട്ടില് വെച്ച് ബുധനാഴ്ച രാത്രി കൂടിക്കാഴ്ച നടത്തിയിരുന്നു. ഇതിനിടയിലാണ് പാട്ടീലിനെ കാണാതായത്.