കണ്ണൂരിലെ സ്ഥിതി അതീവ ഗുരുതരമെന്ന് മന്ത്രി ജയരാജന്
കണ്ണൂര്: ജില്ലയില് കൊറോണ മരണം റിപ്പോര്ട്ട് ചെയ്ത സാഹചര്യത്തില് സ്ഥിതി അതീവ ഗുരുതരമാണെന്ന് മന്ത്രി ഇ.പി. ജയരാജന്. കഴിഞ്ഞ ദിവസം കൊറോണ ബാധിച്ച് മരിച്ച എക്സൈസ് ജീവനക്കാരന്റെ സമ്പർക്കപ്പട്ടിക വിപുലമാണ്. ഇദ്ദേഹത്തിന്റെ മരണകാരണം പ്രത്യേകം അന്വേഷിക്കുമെന്നും അദ്ദേഹം വ്യകതമാക്കി.
അതേസമയം കണ്ണൂരില് കോവിഡ് സാമൂഹിക വ്യാപനമില്ലെന്നും മന്ത്രി കൂട്ടിച്ചേര്ത്തു. നിലവില് 136 പേരാണ് കണ്ണൂരില് കോവിഡ് ബാധിച്ച് ചികിത്സയില് കഴിയുന്നത്. 14,090 പേരാണ് ജില്ലയില് നിരീക്ഷണത്തില് കഴിയുന്നത്.