ലോക്ക്ഡൗണ് കഴിയുംവരെ ബസില്ല
തിരുവനന്തപുരം: സംസ്ഥാനത്ത് ലോക്ക്ഡൗണ് കഴിയുന്നതുവരെ ബസ് സര്വീസുകള് ഉണ്ടാകില്ല. മേയ് മൂന്നിനുശേഷമെ ബസ് സര്വീസുകള് ആരംഭിക്കുകയുള്ളു. റെഡ് സോണ് ഒഴികെയുള്ള മേഖലയില് ബസ് സര്വീസിന് ഏപ്രില് 20 മുതല് അനുമതി നല്കിയിരുന്നു. എന്നാല് സംസ്ഥാനം ഈ മാര്ഗ നിര്ദേശം തിരുത്തും. നിയന്ത്രണങ്ങളോടെ സര്വീസ് നടത്താനാകില്ലെന്ന് സ്വകാര്യ ബസ് ഉടമകളും അറിയിച്ചിരുന്നു. ലോക്ക് ഡൗണ് ഇളവുകളുടെ ഭാഗമായി ചില ജില്ലകളില് വാഹനങ്ങള് പുറത്തിറക്കാമെങ്കിലും ജില്ലയ്ക്കു പുറത്തേയ്ക്കുള്ള ഗതാഗതം അനുവദിക്കില്ലെന്ന് ഡിജിപി ലോക്നാഥ് ബെഹ്റ വ്യക്തമാക്കിയിരുന്നു.