അവസാനിക്കാത്ത കരുതൽ; പുസ്തകങ്ങളുമായി ബിഗ് ഫ്രണ്ട്സ്
വെള്ളപ്പൊക്കവും ഉരുൾപൊട്ടലും താൽക്കാലികമായി അവസാനിച്ചുവെങ്കിലും അനന്തപുരിയുടെ സ്നേഹം നിലക്കാതെ ഒഴുകുകയാണ് മലബാറിലേക്ക്. ഉരുൾപൊട്ടി ഭൂമിയും വീടും നഷ്ടപ്പെട്ടവർക്കും വെള്ളംകയറി തെറി തങ്ങളുടെ സമ്പാദ്യം മുഴുവൻ നഷ്ടപ്പെട്ടവർക്കും പുസ്തകങ്ങളും ഉടുപ്പുകളും നഷ്ടപ്പെട്ട കൊച്ചു ബല്യങ്ങൾക്കും സ്നേഹത്തിൻറെ കൈത്താങ്ങുമായി ഇപ്പോഴും അവർക്കുള്ള പുസ്തകവും ഉടുപ്പും മറ്റ് അവശ്യ വസ്തുക്കളും ശേഖരിക്കുകയാണ് തിരുവനന്തപുരത്തെ സൗഹൃദ കൂട്ടായ്മ ബിഗ് ഫ്രണ്ട്സ്.
ഇതുവരെയായി 42 സ്നേഹം നിറഞ്ഞ സാധനങ്ങളാണ് മലബാറിലേക്ക് ഇവിടെനിന്നും കയറ്റി അയച്ചത്. ഇതിൻറെ ഗുണം കിട്ടിയതാകട്ടെ ഏകദേശം മുപ്പത്തിയൊന്നായിരത്തോളം പേർക്കാണ്.
ദുരിതബാധിതർക്ക് വേണ്ടിയുള്ള കളക്ഷൻ പോയിൻറ് കൾ മറ്റു പലയിടങ്ങളിലും അവസാനിച്ചപ്പോഴും അവർക്കുവേണ്ടിയുള്ള സാധനങ്ങളുടെ ശേഖരണത്തിൽ ആണ് ഈ കൂട്ടായ്മ. ഇപ്പോൾ പ്രധാനമായും ദുരിതാശ്വാസ ക്യാമ്പുകളിൽ നിന്ന് വീടുകളിലേക്ക് മടങ്ങുമ്പോൾ അവർക്ക് വേണ്ട അത്യാവശ്യം സാധനങ്ങളാണ് ശേഖരിച്ച് ഇവിടെ നിന്നും നൽകുന്നത്, ഒപ്പം സ്കൂൾ വിദ്യാർഥികൾക്കായുള്ള പഠനോപകരണങ്ങളും ഈ കൂട്ടായ്മ ശേഖരിച്ചു നൽകുന്നുണ്ട്. തങ്ങളുടെ ഈ ശ്രമം അർഹരായ ഒരു ലക്ഷം പേരിലേക്ക് എത്തിക്കണമെന്ന് ആഗ്രഹവുമായാണ് ഈ കൂട്ടായ്മ മുന്നോട്ടു പോകുന്നത് . അത് സമൂഹത്തിനു തന്നെ ഒരു മാതൃകയായി മാറുകയാണ്.