Big FM - Big Friends - The Indian State ആദ്യ സഹായം കവളപ്പാറയിലേക്ക് പുറപ്പെട്ടു
ബിഗ് എഫ്എം - ബിഗ് ഫ്രണ്ട്സ് - ദി ഇന്ത്യൻ സ്റ്റേറ്റ് ന്റെ നേതൃത്വത്തിൽ പ്രളയ ബാധിതർക്കായി ശേഖരിച്ച വസ്ത്രങ്ങളും ആഹാരങ്ങളും കുടിവെള്ളവുമുൾപ്പെടെയുള്ള ആദ്യ വാഹനം കവളപ്പാറയിലേക്ക് പുറപ്പെട്ടു. ടൂറിസം ദേവസ്വം വകുപ്പ് മന്ത്രി കടകംപള്ളി സുരേന്ദ്രൻ വാഹനം ഫ്ളാഗ്ഓഫ് ചെയ്തു. ബിഗ് എഫ്എം പ്രവർത്തകർ, ഫോട്ടോഗ്രാഫർമാർ , വിദ്യാർത്ഥികൾ , ഡോക്ടർമാർ, സിവിൽ സർവീസ് ഉദ്യോഗാർത്ഥികൾ ഉൾപ്പെടെ നിരവധിപ്പേർ സഹായങ്ങളുമായി രംഗത്തുവന്നു.
ബിഗ് എഫ്എമ്മിനും ദി ഇന്ത്യൻ സ്റ്റേറ്റിനോമൊപ്പം ട്രോൾ കേരള, ബി ക്ലിക്സ്, കനിവ്, പൂമരം, ബ്ലാക്ക് ആർട്, ട്രിവാൻഡ്രം ഓൺലൈൻ, കൈത്താങ്ങ്, കർത്തവ്യ ചാരിറ്റബിൾ സൊസൈറ്റി, കേരള സോഷ്യൽ മീഡിയ ഫോറം എന്നിവരുൾപ്പെടെ നിരവധിപ്പേരാണ് ഈ സംഭരംഭവുമായി സഹകരിക്കുന്നത്.