ദി ഇന്ത്യൻ സ്റ്റേറ്റ് ഇടപെടൽ; മുംബൈ ജസ്ലോക് ആശുപത്രിയിലെ മലയാളി നഴ്സുമാരുടെ വിഷയത്തിൽ മുഖ്യമന്ത്രി ഇടപെടുന്നു
മുംബൈ : മുംബൈയിലെ ജസ്ലോക് ആശുപത്രിയിലെ കോവിഡ് ബാധിതരായ 27 മലയാളി നഴ്സുമാരുടെ വിഷയത്തിൽ മുഖ്യമന്ത്രി പിണറായി വിജയൻ നേരിട്ട് ഇടപെടുന്നു. നേരത്തെ ഈ വിഷയം ആദ്യമായി പുറത്തുകൊണ്ടു വന്നത് ദി ഇന്ത്യൻ സ്റ്റേറ്റ് ആയിരുന്നു. മലയാളി നഴ്സുമാരെ മുംബൈയിൽ മോശം സാഹചര്യത്തിലാണ് ഐസൊലേറ്റ് ചെയ്യുന്നത് എന്നായിരുന്നു പരാതി. ജസ്ലോക്ക് ആശുപത്രിയിലെ നഴ്സുമാരാണ് പരാതിയുമായി രംഗത്ത് എത്തിയിരിത്. നേരത്തെ കോവിഡ് പോസിറ്റീവ് ആയ നഴ്സുമാർക്ക് ആവശ്യമായ ചികിത്സപോലും നൽകാൻ ആശുപത്രി അധികൃതർ മുൻകരുതൽ എടുത്തിരുന്നില്ല.
ദി ഇന്ത്യൻ സ്റ്റേറ്റ് നൽകിയ വാർത്തയെത്തുടർന്ന് വിഷയം ദേശീയ തലത്തിൽ ചർച്ച ആവുകയും കേരള ആരോഗ്യ വകുപ്പ് ഇടപെടുകയും ചെയ്തിരുന്നു. കഴിഞ്ഞ ദിവസത്തെ മുഖ്യമന്ത്രിയുടെ വാർത്ത സമ്മേളനത്തിലും മുംബൈയിലെ മലയാളി നഴ്സുമാരുടെ സാഹചര്യം പറഞ്ഞിരുന്നു. ഈ വിഷയത്തിൽ കോൺഗ്രസ് നേതാവ് കെ സി വേണുഗോപാലും സിപിഐ നേതാവ് ആനി രാജയും ഇടപെട്ടിരുന്നു. ഇത് കൂടാതെയാണ് ഇന്നത്തെ വാർത്താസമ്മേളനത്തിൽ ഈ കാര്യം പരാമർശിച്ചത്. വിഷയം മഹാരാഷ്ട്ര സർക്കാരിന്റെ ശ്രദ്ധയിൽപെടുത്തും എന്ന് ഉറപ്പ് നൽകിയിട്ടുണ്ട്.