വാണിയംപുഴയില് 200 പേരെ രക്ഷപ്പെടുത്താന് സൈന്യം
മലപ്പുറം: മലപ്പുറം ജില്ലയില നിലമ്പൂര് മുണ്ടേരിക്കടുത്ത് വാണിയംപുഴയില് കുടുങ്ങിക്കിടക്കുന്ന 200 പേരെ രക്ഷപ്പെടുത്താന് സൈന്യം പുറപ്പെട്ടു. എന്ഡിഎഫ്ആറിന്റെ കമാന്ഡോകളും 24 ജവാന്മാരും രണ്ട് റേഞ്ച് ഓഫീസര്മാരും അടക്കം 28 പേരാണ് സംഘത്തിലുള്ളത്.
വാണിയംപുഴയെ പുറം ലോകവുമായി ബന്ധിപ്പിക്കുന്ന മുണ്ടേരിപ്പാലം കഴിഞ്ഞ ദിവസം ഉരുള്പൊട്ടലില് തകര്ന്നിരുന്നു. ഇതോടെ കാളികാവ് ഫോറസ്റ്റ് റേഞ്ച് വഴി ദുര്ഘടമായ കാട്ടിലൂടെ വേണം സൈന്യത്തിന് വാണിയംപുഴയിലെത്താന്.റെസ്ക്യൂ ഓപ്പറേഷനായി എന്ഡിആര്എഫ് നേരത്തെ സ്ഥലത്തെത്തിയിരുന്നെങ്കിലും രക്ഷാപ്രവര്ത്തനം ദുഷ്കരമായതിനാല് മടങ്ങേണ്ടി വന്നു.. ശക്തായ ഉരുള് പൊട്ടലില് മലവെള്ളം കുത്തിയൊലിച്ചുവരുന്നതാണ് രക്ഷാപ്രവര്ത്തനത്തിന് തടസം.