പ്രവാസിയുടെ ആത്മഹത്യ : തടസം നിന്നത് നഗരസഭ സെക്രട്ടറി, ഉദ്യോഗസ്ഥരോടു പൊട്ടിത്തെറിച്ച് മന്ത്രി

News Desk

20 June 2019 02:47 PM

തിരുവനന്തപുരം : ആന്തൂരിൽ ആത്മഹത്യ ചെയ്ത വ്യവസായിയുടെ കൺവൻഷൻ സെന്ററിന്റെ ഫയല്‍ തിരുത്താനുള്ള അസി.എന്‍ജിനീയറുടെ ശ്രമത്തിന് തടസം നിന്നത് നഗരസഭ സെക്രട്ടറിയാണ് എന്ന റിപ്പോർട്ടാണ് ഇപ്പോൾ ലഭിക്കുന്നത്. ഇക്കാരണത്താലാണ് പൂര്‍ത്തീകരണ രേഖ നല്‍കാതിരുന്നതും എന്നും വിവരം ലഭിക്കുന്നു.

വീഴ്ചയുണ്ടായിട്ടില്ലെന്ന ഉദ്യോഗസ്ഥരുടെ വധത്തെ മന്ത്രി എ.സി.മൊയ്തീൻ അംഗീകരിക്കാം തയ്യാറായിട്ടില്ല എന്നാണ് സൂചന. ചെറിയ കാര്യങ്ങള്‍ പറഞ്ഞ് ഉദ്യോഗസ്ഥർ തടസപ്പെടുത്തിയെന്നു മന്ത്രി ക്ഷോഭിച്ചു. സെക്രട്ടറിയെ ഇതിന് ഉപേദശിച്ചത് ആരെന്ന് കണ്ടെത്തണം. ഒരാഴ്ചയ്ക്കകം അന്വേഷണ റിപ്പോര്‍ട്ട് നല്‍കാന്‍ ടൗണ്‍ പ്ലാനിങ് വിജിലന്‍സിന് മന്ത്രി നിര്‍ദേശം നൽകി. ഉദ്യോഗസ്ഥരെ മന്ത്രി മുറിയില്‍നിന്ന് ഇറക്കിവിട്ടു.