കൂടത്തായി കൂട്ടക്കൊലയില് കൂടുതല് അറസ്റ്റ് ഇന്നുണ്ടാവും; ഷാജുവും കുടുങ്ങിയേക്കും
കോഴിക്കോട്: കൂടത്തായി കൂട്ടക്കൊലപാതക പരമ്പരയിൽ കൂടുതല് അറസ്റ്റുകള്ക്ക് പൊലിസ് ഒരുങ്ങുന്നതായി സൂചന. പ്രധാന പ്രതി ജോളിയുടെ ഇപ്പോഴത്തെ ഭര്ത്താവ് ഷാജുവും കുടുങ്ങിയേക്കും. നിലവില് കൊലപാതക പരമ്പരയിൽ മൂന്നാമതായി കൊലപ്പെട്ട റോയിയെ വിഷം കൊടുത്തു കൊന്ന കേസിലാണ് ജോളി, സുഹൃത്ത് മാത്യു, സ്വര്ണപണിക്കാരന് പ്രജുല് എന്നിവരെ പൊലീസ് അറസ്റ്റ് ചെയ്തിട്ടുള്ളത്.
എന്നാല്, വ്യാജവില്പത്രം തയ്യാറാക്കിയതുമായി ബന്ധപ്പെട്ടും കൂടാതെ സിലിയുടേയും മകള് ആല്ഫിനേയും കൊലപ്പെടുത്തിയതുമായി ബന്ധപ്പെട്ടും പൊലിസ് സജീവമായി അന്വേഷണം നടത്തുകയാണ്. ഈ കേസുകളില് പല തെളിവുകളും ഇതിനോടകം പൊലിസിന് ലഭിച്ചതായാണ് സൂചന. സിലിയുടേയും മകളുടേയും കൊലപാതകവുമായി ബന്ധപ്പെട്ട് നിര്ണായകമായ ചില അറസ്റ്റുകള് ഇന്നോ നാളെയോ ഉണ്ടാവാന് സാധ്യതയുണ്ട്.