കട്ടിലിന് മുകളില്‍ പൊലീസുകാരന്റെ മൃതദേഹം ജീര്‍ണിച്ച നിലയില്‍
തിരുവനന്തപുരം: പൊലീസ് ഉദ്യോഗസ്ഥന്റെ മൃതദേഹം വീട്ടില്‍ കണ്ടെത്തി. മൃതദേഹത്തിന് അഞ്ച് ദിവസം പഴക്കമുണ്ട്. നെയ്യാറ്റിന്‍കര തിരുപുറം മാവിള കടവ് സ്വദേശി ഷിബു (50)വിന്റെ മൃതദേഹമാണ് സ്വന്തം വീട്ടില്‍ കണ്ടെത്തിയത്. കാഞ്ഞിരംകുളം സ്റ്റേഷനിലെ പൊലീസുകാരനാണ് ഷിബു.
ആറ് ദിവസം മുമ്ബാണ് ഇദ്ദേഹം ശബരിമല ഡ്യൂട്ടി കഴിഞ്ഞ് തിരിച്ചെത്തിയത്. ഇതിന് ശേഷം ഷിബുവിനെ വീടിന് പുറത്ത് ആരും കണ്ടിരുന്നില്ല. ഇന്നലെ മുതല്‍ പരിസരത്ത് അഴുകിയ ഗന്ധം പരന്നിരുന്നു.
ഇതോടെ നാട്ടുകാര്‍ക്ക് സംശയം തോന്നി പൊലീസില്‍ അറിയിക്കുകയായിരുന്നു. പൊലീസ് എത്തി വീട് തുറന്നപ്പോഴാണ് കട്ടിലില്‍ മരിച്ച നിലയില്‍ ഷിബുവിനെ കണ്ടത്.
കഴിഞ്ഞ പത്ത് വര്‍ഷമായി ഭാര്യയുമായി അകന്ന് കഴിയുകയായിരുന്നു ഷിബു. 15കാരിയായ മകള്‍ അമ്മയ്‌ക്കൊപ്പം പോയതോടെ ഷിബു വീട്ടില്‍ ഒറ്റക്കായിരുന്നു താമസം.
ഹൃദയ സംബന്ധമായ അസുഖങ്ങളുള്ളതിനാല്‍ തിരുവനനന്തപുരം മെഡിക്കല്‍ കോളജ് ആശുപത്രിയില്‍ ചികിത്സ തേടിയിരുന്നു. മരണ കാരണം ഹൃദയ സംബന്ധമായ പ്രശ്നങ്ങളെ തുടര്‍ന്നായിരിക്കാം എന്നാണ് പൊലിസിന്റെ പ്രാഥമിക നിഗമനം.
റൂറല്‍ എസ്പി, നെയ്യാറ്റിന്‍കര ഡിവൈഎസ്പി എന്നിവര്‍ സ്ഥലത്തെത്തി. ഫോറന്‍സിക് വിദഗ്ധരും സ്ഥലത്ത് പരിശോധന നടത്തിയിട്ടുണ്ട്. ഇന്‍ക്വസ്റ്റ് തയ്യാറാക്കിയതിനു ശേഷം തിരുവനന്തപുരം മെഡിക്കല്‍ കോളേജില്‍ എത്തിച്ച്‌ കോവിഡ് പരിശോധന നടത്തിയശേഷം പോസ്റ്റ്മോര്‍ട്ടത്തിന് വിധേയമാക്കും.
Related News
കോവിഡ് മരണക്കണക്ക് മറച്ചുവെച്ചിട്ടില്ലെന്ന് ആരോഗ്യ മന്ത്രി
കൊവിഡ് ബാധിച്ച് മരിച്ചവരുടെ മൃതദേഹം വീട്ടില്‍ കൊണ്ടുപോകാനും കാണാനും അനുമതി
കോവിഡ് മൂലമുണ്ടായ മരണങ്ങള്ക്ക് നാല് ലക്ഷം നഷ്ടപരിഹാരം നല്കാനാവില്ല
വാക്സിന് പാര്ശ്വഫലങ്ങളെ തുടര്ന്ന് രാജ്യത്ത് ആദ്യ മരണം; സ്ഥിരീകരിച്ച് കേന്ദ്രസര്ക്കാര്