പാകിസ്താന്റേതെന്നു കരുതി ഇന്ത്യന്‍ എയര്‍ഫോഴ്സ്‌ തകര്‍ത്തത് സ്വന്തം ഹെലികോപ്ടര്‍
ന്യൂഡല്‍ഹി: ജമ്മു കാഷ്മീരിലെ ബുദ്ഗാമില്‍ ഫെബ്രുവരി 27ന് എംഐ-17 ഹെലികോപ്റ്റര്‍ വെടിവച്ചിട്ടത് വ്യോമസേന തന്നെയാണെന്ന് സ്ഥിരീകരിച്ചു. വ്യോമസേനാ എയര്‍ ചീഫ് മാര്‍ഷല്‍ രാകേഷ് കുമാര്‍ ബണ്ഡൗരിയയാണ് കുറ്റസമ്മതം നടത്തിയത്. വ്യോമസേനയുടെ ഭാഗത്തുനിന്നുണ്ടായ ഗുരുതര പിഴവാണ് സംഭവത്തിന് കാരണമെന്നാണ് വിശദീകരണം. ആറ് വ്യോമ സൈനികരാണ് സംഭവത്തില്‍ മരിച്ചത്.
സംഭവത്തില്‍ അന്വേഷണം പൂര്‍ത്തിയായെന്നും വലിയ തെറ്റാണ് സംഭവിച്ചതെന്നും രണ്ടു ഉദ്യോഗസ്ഥര്‍ക്കെതിരേ നടപടി സ്വീകരിച്ചുവെന്നും വ്യോമസേന വ്യക്തമാക്കി. ഭാവിയില്‍ ഇത്തരം തെറ്റുകള്‍ സംഭവിക്കാതിരിക്കാന്‍ വേണ്ട മുന്‍കരുതലുകള്‍ സ്വീകരിക്കും.
പാക്കിസ്ഥാന്‍ ഹെലികോപ്റ്റര്‍ എന്ന തെറ്റിദ്ധരിച്ചാണ് വ്യോമസേനയുടെ എംഐ-17 ഹെലികോപ്റ്റര്‍ സ്പൈഡര്‍ എയര്‍ ഡിഫന്‍സ് മിസൈല്‍ ഉപയോഗിച്ച്‌ വീഴ്ത്തിയത്. സംഭവ സമയത്ത് അതിര്‍ത്തിയില്‍ ഇന്ത്യ-പാക്ക് ആക്രമണങ്ങള്‍ പതിവായിരുന്നു. ഇതേതുടര്‍ന്ന് നിരവധി ഉൗഹാപോഹങ്ങള്‍ അപകട സമയത്ത് പ്രചരിച്ചിരുന്നു.
Related News
BREAKING: സംയുക്ത സൈനിക മേധാവി ബിപിൻ റാവത്ത് അന്തരിച്ചു
ഹെലികോപ്റ്റര്‍ അപകടം; എം.എ. യൂസഫലിയെ ശസ്ത്രക്രിയയ്ക്ക് വിധേയനാക്കി
യൂസഫലിയുടെ ഹെലികോപ്റ്റര്‍ നിയന്ത്രിച്ച ആ പൈലറ്റുമാര് ഇവരാണ്..!
ചതുപ്പില് ഇറങ്ങിയ ഹെലികോപ്ടര്‍ ഉയര്ത്തി മാറ്റി; നെടുമ്ബാശേരിയിലേക്ക് നീക്കി