മാവോയിസ്റ്റ് ബന്ധം: വിദ്യാർത്ഥികളുടെ ജാമ്യാപേക്ഷ തള്ളി
കോഴിക്കോട്: മാവോയിസ്റ്റ് ബന്ധം ആരോപിച്ച് അറസ്റ്റ് ചെയ്ത വിദ്യാര്‍ഥികളുടെ ജാമ്യാപേക്ഷ കോഴിക്കോട് ജില്ലാ സെഷന്‍സ് കോടതി തള്ളി. കണ്ണൂര്‍ പാലയാട്ടെ സര്‍വകലാശാലാ ക്യാമ്പസ് നിയമവിദ്യാര്‍ഥി കോഴിക്കോട് തിരുവണ്ണൂര്‍ അലന്‍ ഷുഹൈബ് (20), കണ്ണൂര്‍ സ്‌കൂള്‍ ഓഫ് ജേര്‍ണലിസം വിദ്യാര്‍ഥി ഒളവണ്ണ ത്വാഹ ഫൈസല്‍ (24) എന്നിവരുടെ ജാമ്യാപേക്ഷയാണ്‌ കോഴിക്കോട് ജില്ലാ സെഷന്‍സ് കോടതി ജഡ്ജി എം ആര്‍ അനിത തള്ളിയത്‌.
യുഎപിഎ നിലനിൽക്കുമ്പോൾ ജാമ്യം നൽകാനാവില്ലെന്ന്‌ കോടതി . അതേ സമയം അഭിഭാഷകർക്ക്‌ ഇരുവരേയും കാണാൻ അനുമതി നൽകി. കഴിഞ്ഞ വെള്ളിയാഴ്ചയാണ് മാവോയിസ്റ്റ് ബന്ധം ആരോപിച്ച് യുഎപിഎ ചുമത്തി പൊലീസ് ഇരുവരേയും അറസ്റ്റ് ചെയ്തത്.
മാവോയിസ്റ്റ് ബന്ധമെന്നത് പൊലീസ് കെട്ടിച്ചമച്ചതാണെന്ന് അലനും ത്വാഹക്കുംവേണ്ടി ഹാജരായ അഡ്വ. എം കെ ദിനേശന്‍ വാദിച്ചിരുന്നു. ചെറുപ്പക്കാരായ വിദ്യാര്‍ഥികളുടെ ഭാവിതുലക്കുന്നതാണ് പൊലീസ് നടപടി. കണ്ടെത്തിയെന്ന് പറഞ്ഞ് ഹാജരാക്കിയ ലഘുലേഖ ഏത് സംഘടനയുടെതാണെന്നതിനും തെളിവില്ല. . യുവാക്കളായ വിദ്യാര്‍ഥികളുടെ ഭാവി തകര്‍ക്കുന്നതാണ് പൊലീസ് നടപടി എന്നും വിദ്യാർത്ഥികൾക്കായി അഭിഭാഷകൻ വാദിച്ചു.
Related News
കള്ളപ്പണക്കേസിലും എം.ശിവശങ്കറിന് ജാമ്യം
സ്വര്ണകള്ളക്കടത്ത് കേസ്; കസ്റ്റംസ് രജിസ്റ്റര് ചെയ്ത കേസില് എം. ശിവശങ്കറിന് ജാമ്യം
ജ്വല്ലറി നിക്ഷേപ തട്ടിപ്പ്: എംസി കമറുദ്ദീന് കര്ശന ഉപാധികളോടെ ജാമ്യം
കളളപ്പണം വെളുപ്പിക്കല് കേസ്; ബിനീഷ് കോടിയേരിയുടെ ജാമ്യാപേക്ഷ തളളി