പ്രവാസികൾക്ക് കൈത്താങ്ങ്; കേരള ബാങ്ക്വഴി പ്രത്യേക സ്വർണപ്പണയ വായ്പ
തിരുവനന്തപുരം > പ്രവാസികൾക്കും അവരുടെ കുടുംബങ്ങളും വലിയ തോതിലുള്ള പ്രയാസമാണ് നേരിടുന്നതെന്ന് മുഖ്യമന്ത്രി പിണറായി വിജയൻ. അത് കണക്കിലെടുത്ത് കേരള ബാങ്ക് പദ്ധതി തയ്യാറാക്കി. സംസ്ഥാനത്തെ 779 ശാഖകളിലൂടെ പ്രത്യേക പ്രവാസി സ്വർണപ്പണയ വായ്പാ പദ്ധതി നടപ്പാക്കാനാണ് തീരുമാനം. സ്വർണപ്പണയത്തിൻമേൽ മൂന്ന് ശതമാനം പലിശയ്ക്ക് ഒരു പ്രവാസി കുടുംബത്തിന് പരമാവധി 50000 രൂപവരെ വായ്പ നൽകും. വായ്പയുടെ കാലാവധി നാല് മാസം ആയിരിക്കും.ഇൻഷുറൻസ് അപ്രൈസൽ, പ്രോസസിങ് ചാർജ്ജുകൾ ഈടാക്കാതെയായിരിക്കും വായ്പ നൽകുക.