തിരുവനന്തപുരത്ത് അമ്മയെ കൊന്ന് മകന് ജീവനൊടുക്കി
തിരുവനന്തപുരം : നെയ്യാറ്റിന്കരയില് അമ്മയെ കൊന്ന ശേഷം മകന് ജീവനൊടുക്കി. ആലങ്കോട് സ്വദേശികളായ മോഹനകുമാരി, മകന് വിപിന് എന്നിവരാണ് മരിച്ചത്. രാവിലെയോടെയായിരുന്നു സംഭവം.
വീട്ടിനുള്ളില് നിന്നാണ് ഇരുവരുടെയും മൃതദേഹങ്ങള് കണ്ടെത്തിയത്. വീട്ടില് നിന്നും അമ്മയെ കൊന്ന് ആത്മഹത്യ ചെയ്യുന്നുവെന്ന വിപിന്റെ കുറിപ്പും പോലീസ് കണ്ടെടുത്തിട്ടുണ്ട്. കുടുംബ പ്രശ്നങ്ങളാണ് കൊലപാതകത്തിലേക്ക് നയിച്ചതെന്നാണ് കരുതുന്നതെന്ന് പോലീസ് പറഞ്ഞു.
ഭാര്യയും കുട്ടിയുമാണ് വിപിനുള്ളത്. ഭാര്യയുമായി മോഹനകുമാരി സ്ഥിരം വഴക്കിടാറുണ്ടായിരുന്നു. ഇതിന്റെ പേരില് വിപിനും അമ്മയും തമ്മില് നിരന്തരം കലഹിച്ചിരുന്നുവെന്നും അയല്ക്കാര് പറയുന്നു.
ഇരുവരുടെയും മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി. സംഭവത്തില് പോലീസ് അന്വേഷണം ആരംഭിച്ചു. ശ്വാസം മുട്ടിച്ചാണ് വിപിന് അമ്മയെ കൊലപ്പെടുത്തിയതെന്നാണ് സൂചന.