എസ്.എസ്.എല്.സി, ഹയര്സെക്കന്ഡറി പരീക്ഷകള് മെയ് 17ന് ശേഷം
തിരുവനന്തപുരം: സംസ്ഥാനത്ത് ലോക്ക് ഡൗണ് ഏര്പ്പെടുത്തിയതോടെ മുടങ്ങിയ എസ്.എസ്.എല്.സി, ഹയര്സെക്കന്ഡറി പരീക്ഷകള് ലോക്ഡൗണിനുശേഷം ഒരാഴ്ചത്തെ ഇടവേളയില് നടത്തിയേക്കും. നിലവില് ഒരേ സമയത്താണ് പരീക്ഷ. അതേസമയം, പ്ലസ് വണ് പരീക്ഷ മാറ്റിവെക്കും.ബുധനാഴ്ച വിദ്യാഭ്യാസമന്ത്രി സി. രവീന്ദ്രനാഥ് മുഖ്യമന്ത്രിയുമായി ഇക്കാര്യം ചര്ച്ചചെയ്തു തീരുമാനിക്കും.
അതേസമയം, മൂല്യനിര്ണയം സംബന്ധിച്ച് രണ്ടുനിര്ദേശങ്ങളാണ് വിദ്യാഭ്യാസവകുപ്പ് മുന്നോട്ടുവെക്കുന്നത്. കഴിഞ്ഞ പരീക്ഷകളുടെ ഉത്തരപേപ്പറുകള് അധ്യാപകരുടെ വീട്ടില്നല്കി മൂല്യനിര്ണയം നടത്തിക്കുക, ക്യാമ്ബുകളുടെ എണ്ണം പരമാവധി കൂട്ടി പഴയ രീതിയില് മൂല്യനിര്ണയം നടത്തുക എന്നിവയാണ് നിര്ദേശങ്ങള്.