റേഷൻ – ആധാർ ബന്ധിപ്പിക്കൽ: 31 വരെ നീട്ടി
തിരുവനന്തപുരം : റേഷൻ കാർഡുമായി ആധാർ ബന്ധിപ്പിക്കാനുള്ള കാലാവധി ഒക്ടോബർ 31 വരെ നീട്ടി. തിങ്കളാഴ്ചയ്ക്കകം ആധാർ ബന്ധിപ്പിക്കൽ പൂർത്തിയാക്കണമെന്നായിരുന്നു കേന്ദ്ര സർക്കാർ ആദ്യം നിർദേശം നൽകിയിരുന്നത്. ആധാർ ബന്ധിപ്പിക്കാൻ ബാക്കിയുള്ളതിനാൽ കാലാവധി നീട്ടണമെന്ന് സംസ്ഥാന ഭക്ഷ്യ വകുപ്പ് കേന്ദ്ര സർക്കാരിനോട് ആവശ്യപ്പെട്ടിരുന്നു. 94 ശതമാനം പേർ ആധാറുമായി ബന്ധിപ്പിച്ചിട്ടുണ്ട്. റേഷൻകട വഴിയും അക്ഷയ കേന്ദ്രങ്ങൾ വഴിയും പൊതുവിതരണ വകുപ്പിന്റെ വെബ്സൈറ്റ് മുഖേനയും ആധാർ ബന്ധിപ്പിക്കാം.