കൺസ്യൂമർ ഫെഡറേഷൻ മുഖാന്തരം സഹകരണ സംഘങ്ങൾ വഴി നോട്ട്ബുക്കുകൾ വീടുകളിലെത്തിക്കും
ലോക് ഡൗൺ പശ്ചാത്തലത്തിൽ ജൂണിൽ ഓൺലൈൻ അധ്യയനവർഷം ആരംഭിക്കുമ്പോൾ വിദ്യാർഥികൾക്ക് നോട്ട്ബുക്കുകൾ വീടുകളിലെത്തിക്കും. സംസ്ഥാനത്ത് എല്ലാ വർഷവും സഹകരണ കൺസ്യൂമർ ഫെഡറേഷൻ പഠന സാമഗ്രികൾ സ്കൂൾ മാർക്കറ്റ് മുഖാന്തരം മികവുറ്റ രീതിയിൽ വിതരണം ചെയ്യാറുണ്ട്. ലോക് ഡൗൺ തുടരുന്ന സാഹചര്യത്തിൽ സഹകരണ കൺസ്യൂമർ ഫെഡറേഷൻ മുഖാന്തരം സഹകരണ സംഘങ്ങൾ വഴിയാണ് നോട്ട്ബുക്കുകൾ വീടുകളിലെത്തിക്കുക.
ഇത് സംബന്ധിച്ച നടപടികൾ സ്വീകരിക്കാൻ സഹകരണ സംഘം രജിസ്ട്രാർക്കും കൺസ്യൂമർഫെഡ് എം ഡി ക്കും / മാനേജിംങ് ഡയറക്ടർക്കും നിർദേശം നൽകി. കോവിഡ് മാനദണ്ഡങ്ങൾ പാലിച്ചാകും നോട്ട്ബുക്കുകളുടെ വിപണനവും, വിതരണവും ഉറപ്പ് വരുത്തുക.