ഇന്ത്യയിലെ വകഭേദത്തിന് ഫലപ്രദമെന്ന് ഫൈസര്; കൗമാരക്കാര്ക്കും നല്കാം
ന്യുഡല്ഹി: ഇന്ത്യയില് വാക്സിന് വിതരണത്തിന് അമേരിക്കന് കമ്ബനിയായ ഫൈസര് അനുമതി തേടി. ഇന്ത്യയില് കണ്ടെത്തിയ കോവിഡ് വൈറസിന്റെ പുതിയ വകഭേദത്തിന് ഫൈസര് ഏറ്റവും ഫലപ്രദമാണെന്ന് കമ്ബനി അവകാശപ്പെടുന്നു. 12 വയസ്സിന് മുകളിലുള്ളവര്ക്ക് വാക്സിന് നല്കാമെന്നും കമ്ബനി പറയുന്നു. രണ്ട് മുതല് എട്ട് വരെ ഡിഗ്രി സെല്ഷ്യസില് വാക്സിന് സൂക്ഷിക്കാമെന്നൂം കമ്ബനി അറിയിച്ചു.
ഈ വര്ഷം ജൂലായ്-ഒക്ടോബര് മാസത്തിനുള്ളില് അഞ്ച് കോടി ഡോസ് ഇന്ത്യയ്ക്ക് കൈമാറാന് കഴിയുമെന്നാണ് കമ്ബനി അറിയിച്ചിരിക്കുന്നത്. വാക്സിനേഷനില് സംഭവിക്കുന്ന പാളിച്ചകള്ക്ക് ഈടാക്കുന്ന നഷ്ടപരിഹാരത്തിന് ഇളവ് നല്കണമെന്നും ഇന്ത്യയിലെ അധികൃതരുമായി ചര്ച്ച തുടരുകയാണെന്നും ഫൈസര് അറിയിച്ചു. വാക്സിന് പരീക്ഷണത്തിലെ ഫലപ്രാപ്തിയും വിവിധ രാജ്യങ്ങളും ലോകാേരാഗ്യ സംഘടനയും വാക്സിന് നല്കിയ അംഗീകാരവും അടക്കമുള്ള വിവരങ്ങള് ഇന്ത്യയ്ക്ക് കൈമാറുമെന്നും ഫൈസര് അറിയിച്ചു.
ഇന്ത്യയില് നിലവില് മൂന്ന് വാക്സിനുകള്ക്കാണ് അനുമതിയുള്ളത്. ഇവയ്ക്കെല്ലാം 18 വയസ്സിനു മുകളില് പ്രായമുള്ളവര്ക്കാണ് ഉപയോഗിക്കാന് അനുമതി. രാജ്യം തദ്ദേശീയമായി വികസിപ്പിച്ച ഭാരത് ബയോടെകിന്റെ കോവാക്സിന്, ഓക്സ്ഫര്ഡ്-ആസ്ട്രസിനികെ ഫോര്മുലയില് സിറം ഇന്സ്റ്റിറ്റ്യൂട്ട് നിര്മ്മിക്കുന്ന കോവിഷീല്ഡ്, റഷ്യയുടെ സ്പുട്നിക് V എന്നിവയ്ക്കാണ് അനുമതി. റഷ്യന് ഫോര്മുലയില് ഹൈദരാബാദിലെ റെഡ്ഡീസ് ലാബോറട്ടറീസ് വാക്സിന് നിര്മ്മാണവും വിതരണവും ആരംഭിച്ചു കഴിഞ്ഞു.