ഇന്ത്യയില്‍ വാക്സിന്റെ അടിയന്തര ഉപയോഗത്തിനുള്ള അപേക്ഷ ഫൈസര്‍ പിന്‍വലിച്ചു
ന്യൂഡല്‍ഹി: ഇന്ത്യയില്‍ കോവിഡ് വാക്സിന്റെ അടിയന്തര ഉപയോഗത്തിന് അനുമതി തേടി സമര്‍പ്പിച്ച അപേക്ഷ പിന്‍വലിക്കുമെന്ന് അമേരിക്കന്‍ ഫാര്‍മസ്യൂട്ടിക്കല്‍ കമ്ബനി ഫൈസര്‍. രാജ്യത്തെ ഉന്നത ഡ്രഗ് റെഗുലേറ്ററിനു കീഴിലുള്ള വിദഗ്ദ്ധ സമിതിയുമായി ഈ ആഴ്ച ആദ്യം നടന്ന കൂടിക്കാഴ്ചയെത്തുടര്‍ന്നാണ് തീരുമാനം. ഫൈസറില്‍നിന്ന് സമിതി കൂടുതല്‍ വിശദാംശങ്ങള്‍ ആവശ്യപ്പെട്ടതാകാം കാരണമെന്നാണ് റിപ്പോര്‍ട്ട്.
"കോവിഡ് വാക്സിന്റെ അടിയന്തര ഉപയോഗത്തിനുള്ള അനുമതി തേടുന്നതുമായി ബന്ധപ്പെട്ട് ഫെബ്രുവരി മൂന്നിന് നടന്ന ഡ്രഗ് റെഗുലേറ്ററി അതോറിറ്റിയുടെ വിദഗ്ദ്ധ സമിതിയുമായുള്ള യോഗത്തില്‍ ഫൈസര്‍ പങ്കെടുത്തു. യോഗത്തില്‍ നടന്ന ചര്‍ച്ചകളുടെയും കൂടുതല്‍ വിശദാംശങ്ങള്‍ വേണമെന്ന റെഗുലേറ്ററിന്റെ ആവശ്യത്തിന്റെയും അടിസ്ഥാനത്തില്‍ അപേക്ഷ പിന്‍വലിക്കാന്‍ കമ്ബനി തീരുമാനിച്ചു," ഫൈസര്‍ വക്താവ് പറഞ്ഞു.
അതോറിറ്റിയുമായള്ള ആശയവിനിമയം തുടരുമെന്നും അധിക വിവരങ്ങള്‍ ലഭ്യമാകുന്നത് പ്രകാരം വീണ്ടും അപേക്ഷ സമര്‍പ്പിക്കുമെന്നും കമ്ബനി പറയുന്നു. അതേസമയം എന്തെല്ലാം അധിക വിവരങ്ങളാണ് ഡ്രഗ് റെഗുലേറ്റര്‍ ഫൈസറില്‍നിന്ന് ആവശ്യപ്പെട്ടതെന്ന് വ്യക്തമല്ല.
കോവിഡ് വാക്സിന്റെ അടിയന്തര ഉപയോഗത്തിനായി ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യയ്ക്ക് ആദ്യം അപേക്ഷ നല്‍കിയ കമ്ബനി ഫൈസറായിരുന്നു. കഴിഞ്ഞ വര്‍ഷം അവസാനത്തോടെയാണ് വാക്സിന്റെ ഉപയോഗത്തിനായി ഫൈസര്‍ അനുമതി തേടിയത്. എന്നാല്‍, ഇതിനുശേഷം അനുമതി തേടിയ കോവാക്‌സിന്‍, കോവിഷീല്‍ഡ് എന്നീ രണ്ട് കോവിഡ് വാക്‌സിനുകള്‍ക്ക് ജനുവരിയില്‍ ഇന്ത്യ അംഗീകാരം നല്‍കിയിരുന്നു.
Related News
മറ്റൊരു റെക്കോര്ഡ് കൂടി; ഒറ്റ ദിവസം കൊണ്ട് 4.96 ലക്ഷം പേര്ക്ക് വാക്സിന് നല്കി കേരളം
ഇന്ത്യന് വാക്സിനുകള് അംഗീകരിക്കണം; യൂറോപ്യന് യൂണിയനോട് നിലപാട് കടുപ്പിച്ച് ഇന്ത്യ
രാജ്യത്ത് മൊഡേണ വാക്സിന് ഡിസിജിഐ അനുമതി നല്കി
സംസ്ഥാനത്ത് 18 വയസ് പൂര്ത്തിയായ എല്ലാവര്ക്കും വാക്സിന് നല്കാന് തീരുമാനം