പാനൂര് മന്സൂര് കൊലപാതകം: ഒരാള് കൂടി പിടിയില്
കണ്ണൂര്: പാനൂരിലെ മുസ്ലീംലീഗ് പ്രവര്ത്തകന് മന്സൂര് കൊലപാതകത്തില് ഒരാള് കൂടി പിടിയില്. മുഖ്യ ആസൂത്രകനെന്ന് സംശയിക്കുന്നയാളെയാണ് പൊലീസ് കസ്റ്റഡിയിലടുത്തത്. പത്ത് മണിക്ക് കൂടുതല് വിവരങ്ങള് പുറത്തുവിടും. കൊലപാതകത്തിലെ പ്രതികള്ക്ക് സിപിഎം ബന്ധമുണ്ടെന്നാണ് എഫ്ഐആറിലെ വിവരം. സി പി എം ലോക്കല് കമ്മിറ്റി അംഗം ജാബിര്, DYFI മേഖല ട്രഷറര് ഷുഹൈല് എന്നിവര് പ്രതിപ്പട്ടികയിലുണ്ട്.
അതേസമയം മന്സൂറിന്റെ കൊലപാതകത്തില് പങ്കുണ്ടെന്ന് പൊലീസ് സംശയിക്കുന്നയാളെ തൂങ്ങിമരിച്ച നിലയില് കണ്ടെത്തി. കുറ്റാരോപിതനായ കൊച്ചിയങ്ങാടി സ്വദേശിയുമായ രതീഷ് കൂലോത്തിനെയാണ് മരിച്ച നിലയില് കണ്ടെത്തിയത്. കൊലപാതക്കത്തിനു ശേഷം രതീഷ് ഒളിവിലായിരുന്നു. പ്രതികളെ ഉടന് പിടികൂടുമെന്ന് അന്വേഷണ സംഘം അറിയിച്ചതിന് പിന്നാലെയായിരുന്നു സംഭവം. മന്സൂര് വധക്കേസില് രണ്ടാമത്തെ പ്രതിയാണ് രതീഷ്.
കോഴിക്കോട് ചെക്യാടിന് സമീപം സ്വകാര്യവ്യക്തിയുടെ പറമ്ബിലാണ് രതീഷിനെ തൂങ്ങി മരിച്ച നിലയില് കണ്ടെത്തിയത്. കഴിഞ്ഞ ദിവസം അന്വേഷണസംഘം രതീഷിന്റെ വീട്ടില് എത്തിയിരുന്നു. കേസിലെ രണ്ടാം പ്രതിയായ രതീഷിന് വേണ്ടി പൊലീസ് തിരച്ചില് ഊര്ജിതമാക്കിയിരുന്നു.