പാകിസ്ഥാന് ബാലിസ്റ്റിക് മിസൈല് പരീക്ഷിച്ചു
ഇസ്ലാമാബാദ്: ഇന്ത്യയുമായി യുദ്ധം ഉടനെ ഉണ്ടാകുമെന്ന് പാക് റെയില്വേ മന്ത്രിയുടെ മുന്നറിയിപ്പ് വന്നതിനു പിന്നാലെ ബാലിസ്റ്റിക് മിസൈല് പരീക്ഷിച്ച് പാകിസ്ഥാന്. കറാച്ചിയില് നിന്ന് പാകിസ്ഥാന് മിസൈല് പരീക്ഷിച്ചെന്നാണ് വിവരം. പാക് സൈനിക വക്താവ് മേജര് ജനറല് ആസിഫ് ഗഫൂറാണ് ഇതു സംബന്ധിച്ച വിവരം പുറത്തുവിട്ടത്. ചിത്രങ്ങള് സഹിതമാണ് മിസൈല് പരീക്ഷണത്തിന്റെ വിവരം അദ്ദേഹം പുറത്തുവിട്ടത്.
290 കിലോമീറ്റര് ദൂരപരിധിയുള്ള ബാലസ്റ്റിക് മിസൈലാണ് പാകിസ്ഥാന് വിക്ഷേപിച്ചതെന്നും ഗഫൂര് വ്യക്തമാക്കി. കറാച്ചിക്കു സമീപം സോന്മിയാനിയില് നിന്നാണ് മിസൈല് പരീക്ഷണം നടത്തിയതെന്നാണ് റിപ്പോര്ട്ടുകള്. പാക് പ്രധാനമന്ത്രിയും പ്രസിഡന്റും ഉള്പ്പടയുള്ളവര് മിസൈല് വിക്ഷേപണത്തിനു പിന്നാല സൈന്യത്തെ അഭിനന്ദിച്ച് രംഗത്തെത്തി. ബുധനാഴ്ചയാണ് ഇന്ത്യയും പാകിസ്ഥാനും തമ്മില് യുദ്ധം നടക്കാന് സാധ്യതയുണ്ടെന്ന് പാക് റെയില്വേ മന്ത്രി ഷെയ്ക് റഷീദ് അഹമ്മദ് വ്യക്തമാക്കിയത്.