കേരളത്തില്‍ ലോക്ഡൗണ്‍ സാഹചര്യമില്ല; വരും ദിവസങ്ങളില്‍ ശക്തമായ പരിശോധന, കടുത്ത നിയന്ത്രണങ്ങള്‍

Ajith.A

15 April 2021 07:00 PM

തിരുവനന്തപുരം; സംസ്ഥാനത്ത് കൊവിഡ് പരിശോധന കൂട്ടുമെന്ന് ചീഫ് സെക്രട്ടറി വിപി ജോയ്. അടുത്ത രണ്ട് ദിവസത്തിനുള്ളില്‍ രണ്ടരലക്ഷം പേര്‍ക്ക് പരിശോധന നടത്തുമെന്നും വാര്‍ത്താസമ്മേളനത്തില്‍ ചീഫ് സെക്രട്ടറി അറിയിച്ചു. ഹൈ റിസ്ക് വിഭാഗത്തില്‍ പെടുന്നവര്‍ക്ക് മുന്‍ഗണന നല്‍കും. 45 വയസിന് താഴെ ഉള്ളവര്‍ക്കും പരിശോധന നടത്തും. സംസ്ഥാനത്ത് നിലവില്‍ ലോക്ഡൗണ്‍ സാഹചര്യമില്ലെന്നും അദ്ദേഹം പറഞ്ഞു.

പരിശോധന, വാക്‌സിന്‍, നിയന്ത്രണങ്ങള്‍ എന്നീ ക്യാമ്ബയിനുകളാണ് കോവിഡ് പ്രതിരോധത്തിനായി കേരളം മുന്നോട്ടുവെയ്ക്കുന്നത്.ജനങ്ങള്‍ സ്വയം നിയന്ത്രണവും പ്രതിരോധവും ഉറപ്പാക്കണം.അടുത്ത രണ്ടാഴ്ചത്തെ പൊതുപരിപാടികള്‍ മുന്‍കൂറായി അധികൃതരെ അറിയിക്കണം. പൊതുസ്ഥലങ്ങളിലെ നിയന്ത്രണങ്ങള്‍ കര്‍ശനമാക്കുമെന്നും ചീഫ് സെക്രട്ടറി വ്യക്തമാക്കി.