നീറ്റ് ജെഇഇ പരീക്ഷകള്;അന്തിമ ക്രമീകരണങ്ങള് പൂര്ത്തിയായി
ന്യൂഡല്ഹി : നീറ്റ് ജെഇഇ പരീക്ഷകള് നടത്തുന്നതിനുള്ള അന്തിമ ക്രമീകരണങ്ങള് പൂര്ത്തിയായി . കോവിഡിന് ഇടയില് പരീക്ഷ നടത്തുന്നതിനെതിരെയുള്ള പ്രതിഷേധങ്ങള്ക്കിടയിലും പരീക്ഷയുമായി മുന്നോട്ട് പോകാനാണ് കേന്ദ്രത്തിന്റെ തീരുമാനം.
രണ്ട് പരീക്ഷകള്ക്കുമായി 660 കേന്ദ്രങ്ങളാണ് സജ്ജമാക്കിയിരിക്കുന്നത് . 10 ലക്ഷത്തോളം മാസ്ക്, 20 ലക്ഷത്തോളം ഗ്ലൗസ്, 6600 ലിറ്റര് ഹാന്ഡ് സാനിറ്റൈസര്, 1300 ല് അധികം തെര്മല് സ്കാനറുകള് തുടങ്ങിയ സജ്ജമാക്കാനും തീരുമാനിച്ചിട്ടുണ്ട് . 3300 ശുചീകരണ തൊഴിലാളികളെയും സജ്ജീകരിച്ചിട്ടുണ്ട് . പരീക്ഷ നടത്തിപ്പിനായി മാത്രം 13 കോടി രൂപയാണ് വകമാറ്റിയിരിക്കുന്നത്.
പ്രതിപക്ഷ കക്ഷികള് ഒന്നടങ്കം പരീക്ഷ മാറ്റിവയ്ക്കണമെന്ന ആവശ്യവുമായി രംഗത്തെത്തിയിരുന്നു . എന്നാല് പരീക്ഷ നടത്താനുള്ള തീരുമാനവുമായി കേന്ദ്രസര്ക്കാര് മുന്നോട്ടുപോകുകയായിരുന്നു.
സെപ്റ്റംബര് ഒന്ന് മുതല് ആറ് വരെയാണ് നീറ്റ്, ജെഇഇ പരീക്ഷകള് നടത്തുക .