തിരൂര്‍ കൂട്ടായിയില്‍ വന്‍ സംഘര്‍ഷം; യുവാവ് വെട്ടേറ്റ് മരിച്ചു

Ajith.A

10 October 2020 09:42 AM

മലപ്പുറം: തിരൂര്‍ കൂട്ടായിയില്‍ ഇരു വിഭാഗങ്ങള്‍ തമ്മിലുണ്ടായ സംഘര്‍ഷത്തില്‍ യുവാവ് വെട്ടേറ്റ് മരിച്ചു. യാസര്‍ അറഫാത്ത് ആണ് മരിച്ചത്. ആക്രമണത്തില്‍ രണ്ട് പേര്‍ക്ക് ഗുരുതരമായി പരിക്കേറ്റു. വെള്ളിയാഴ്ച രാത്രി 11 മണിയോടെയാണ് സംഭവം. വീടിന് മുന്നില്‍ മദ്യപിച്ചത് ചോദ്യം ചെയ്തതാണ് വന്‍ സംഘര്‍ഷത്തില്‍ കലാശിച്ചത്.

യാസര്‍ അറഫാത്തും സുഹൃത്തുക്കളും വീടിന് മുന്നിലിരുന്ന് മദ്യപിക്കുന്നതിനെതിരെ ഏണീന്റെ പുരക്കല്‍ അബൂബക്കറും മക്കളും നിരവധി തവണ യാസറിന് താക്കീത് നല്‍കിയിരുന്നു. എന്നാല്‍ വെള്ളിയാഴ്ചയും ഇതാവര്‍ത്തിച്ചു. സംഭവം ചോദ്യം ചെയ്തതോടെ ഇരു വിഭാഗങ്ങളും തമ്മില്‍ വാക്കേറ്റമുണ്ടായി. തുടര്‍ന്നുണ്ടായ ആക്രമണത്തിലാണ് യാസറിന് വെട്ടേറ്റത്. യാസര്‍ സംഭവ സ്ഥലത്ത് തന്നെ മരിച്ചു. അബൂബറിന്റെ മക്കളായ ഷമീം, ഷജീം എന്നിവര്‍ക്കും കുത്തേറ്റു.