മഹാത്മാഗാന്ധി സര്‍വകലാശാല പരീക്ഷകള്‍ മെയ് 18 മുതല്‍ പുനഃരാരംഭിക്കും
മഹാത്മാഗാന്ധി സര്‍വകലാശാല പരീക്ഷകള്‍ മെയ്18 മുതല്‍ പുനഃരാരംഭിക്കും. ആരോഗ്യ വകുപ്പിന്റെ നിര്‍ദേശങ്ങള്‍ കര്‍ശനമായി പാലിച്ചായിരിക്കും പരീക്ഷാ നടത്തുക . ഉത്തരക്കടലാസ് മൂല്യനിര്‍ണയം ജൂണ്‍ ഒന്ന് മുതല്‍ ഹോം വാല്യുവേഷനായി നടത്തും.ഒരാഴ്ച കൊണ്ട് മൂല്യനിര്‍ണയ നടപടികള്‍ പൂര്‍ത്തീകരിക്കും. കൊവിഡ് 19 പ്രതിരോധ നടപടികളുടെ ഭാഗമായി സര്‍ക്കാരിന്റെയും ആരോഗ്യ വകുപ്പിന്റെയും നിര്‍ദേശങ്ങള്‍ കര്‍ശനമായി പാലിച്ചാണ് പരീക്ഷയും മൂല്യനിര്‍ണയവും നടത്തുക.
കൊവിഡ് വ്യാപനത്തെത്തുടര്‍ന്ന് മാറ്റിവച്ച ബിരുദ, ബിരുദാനന്തര ബിരുദ പരീക്ഷകള്‍ മെയ് മൂന്നാം വാരം മുതല്‍ പുനഃരാരംഭിക്കുമെന്ന് മഹാത്മാഗാന്ധി സര്‍വകലാശാല പരീക്ഷാ കണ്‍ട്രോളര്‍ അറിയിച്ചു. ആറ്, നാല് സെമസ്റ്റര്‍ ബിരുദ പരീക്ഷകള്‍ യഥാക്രമം മെയ് 18, 19 തിയതികളില്‍ പുനഃരാരംഭിക്കും.അഞ്ചാം സെമസ്റ്റര്‍ ബിരുദ പ്രൈവറ്റ് പരീക്ഷകള്‍ മെയ് 25 മുതല്‍ നടക്കും. ആറ്, നാല് സെമസ്റ്റര്‍ ബിരുദ പരീക്ഷകളുടെ പ്രാക്ടിക്കല്‍ പരീക്ഷകള്‍ യഥാക്രമം മെയ് 25, 28 മുതല്‍ അതത് കോളജുകളില്‍ നടക്കും.
നാലാം സെമസ്റ്റര്‍ ബിരുദാനന്തര ബിരുദ പരീക്ഷകള്‍ മെയ് 25ന് ആരംഭിക്കും. പിജി പ്രാക്ടിക്കല്‍ പരീക്ഷകള്‍ ജൂണ്‍ എട്ടിന് തുടങ്ങും. യുജി രണ്ടാം സെമസ്റ്റര്‍ പരീക്ഷകള്‍ ജൂണ്‍ രണ്ടാം വാരം മുതല്‍ നടക്കും. രണ്ടാം സെമസ്റ്റര്‍ പ്രാക്ടിക്കല്‍ പരീക്ഷകളും ജൂണില്‍ പൂര്‍ത്തീകരിക്കും. പരീക്ഷകളുടെ വിശദമായ ടൈം ടേബിള്‍ പിന്നീട് പ്രസിദ്ധീകരിക്കും.
കൊവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി ഏര്‍പ്പെടുത്തിയിട്ടുള്ള നിയന്ത്രണങ്ങളില്‍ മെയ് മാസത്തോടെ ഇളവുകള്‍ വരുമെന്ന പ്രതീക്ഷയുടെ അടിസ്ഥാനത്തിലാണ് പരീക്ഷകള്‍ പുനഃരാരംഭിക്കാനുള്ള ടൈം ടേബിളുകള്‍ തയാറാക്കുന്നത്. സര്‍ക്കാര്‍ നിര്‍ദേശങ്ങളുടെ അടിസ്ഥാനത്തിലാകും പരീക്ഷകള്‍ പുനഃരാരംഭിക്കുക.
Related News
കേരളത്തിലെ നദികൾ ഇനി എളുപ്പത്തിൽ പഠിക്കാം - പെരിയാർ | PSC വിജയം നേടാൻ ഒരു അടിപൊളി വീഡിയോ
സാങ്കേതിക സര്‍വകലാശാല പരീക്ഷകള്ക്ക് മാറ്റമില്ല
സംസ്ഥാന എന്ജിനിയറിങ് പ്രവേശന പരീക്ഷ മാറ്റി
കാലിക്കറ്റ് സര്‍വകലാശാല ശനിയാഴ്ചത്തെ പരീക്ഷകള്‍ മാറ്റി