സം​സ്ഥാ​ന​ത്ത് സര്‍വകലാശാല പരീക്ഷകള്‍ ഇന്ന് തുടങ്ങും

Ajith.A

28 June 2021 09:02 AM

തി​രു​വ​ന​ന്ത​പു​രം: സ​ര്‍​വ​ക​ലാ​ശാ​ലാ അ​വ​സാ​ന സെ​മ​സ്​​റ്റ​ര്‍ ബി​രു​ദ ​പ​രീ​ക്ഷ​ക​ള്‍ക്ക്​ ഇന്ന്​ തുടക്കം. നിലവിലെ കോവിഡ് സാഹചര്യത്തില്‍ പരീക്ഷകള്‍ ഓഫ് ലൈനായി നടത്തണമെന്ന വിദ്യാര്‍ഥികളുടെ ആ​വ​ശ്യം അവഗണിച്ചാണ്​ കേ​ര​ള, എം.​ജി, കാ​ലി​ക്ക​റ്റ്, ക​ണ്ണൂ​ര്‍ സ​ര്‍​വ​ക​ലാ​ശാ​ല​ക​ള്‍ പ​രീ​ക്ഷ നടത്തുന്നത്.

കോ​വി​ഡ്​ ബാ​ധി​ത​ര്‍​ക്ക്​ പ​രീ​ക്ഷ എ​ഴു​താ​ന്‍ അ​നു​മ​തി​യി​ല്ല. ഇ​വ​ര്‍​ക്ക്​ പി​ന്നീ​ട്​ ന​ട​ത്താ​നാ​ണ്​ തീ​രു​മാ​നം. ക്വാ​റ​ന്‍​റീ​നി​ല്‍ ക​ഴി​യു​ന്ന​വ​ര്‍​ക്ക്​ രേ​ഖ ഹാ​ജ​രാ​ക്കി​യാ​ല്‍ പി​ന്നീ​ട് ന​ട​ത്തു​ന്ന​ പ​രീ​ക്ഷ എ​ഴു​താം. ഹോ​സ്​​റ്റ​ല്‍ വി​ദ്യാ​ര്‍​ഥി​ക​ള്‍​ക്കും പ​രീ​ക്ഷ​ക്ക്​ ഹാ​ജ​രാ​കു​ന്ന​ത്​ വെ​ല്ലു​വി​ളി​യാ​ണ്.
കേ​ര​ള, എം.​ജി, കാ​ലി​ക്ക​റ്റ്, സ​ര്‍​വ​ക​ലാ​ശാ​ല​ക​ളിലാണ് തി​ങ്ക​ളാ​ഴ്​​ച​ പ​രീ​ക്ഷ ആ​രം​ഭി​ക്കു​ന്ന​ത്. അതേസമയം ക​ണ്ണൂ​ര്‍ സ​ര്‍​വ​ക​ലാ​ശാ​ല​യി​ല്‍ റെഗു​ല​ര്‍ വി​ദ്യാ​ര്‍​ഥി​ക​ളു​ടെ അ​വ​സാ​ന സെ​മ​സ്​​റ്റ​ര്‍ ബി​രു​ദ​ പ​രീ​ക്ഷ 30നും ​വി​ദൂ​ര വി​ഭാ​ഗ​ത്തി​ലേ​ത്​ 29നു​മാ​ണ്​ ആ​രം​ഭി​ക്കു​ന്ന​ത്.

പ​രീ​ക്ഷ എ​ഴു​താ​ന്‍ പോ​കു​ന്ന വി​ദ്യാ​ര്‍​ഥി​ക​ള്‍​ക്ക് ഹാ​ള്‍​ടി​ക്ക​റ്റ് കാ​ണി​ച്ചാ​ല്‍ യാ​ത്ര ചെ​യ്യാ​ന്‍ അ​നു​മ​തി ന​ല്‍​കു​മെ​ന്ന് പൊ​ലീ​സ്​ മേ​ധാ​വി ലോ​ക്നാ​ഥ് ബെ​ഹ്റ അ​റി​യി​ച്ചിട്ടുണ്ട്.

പ​രീ​ക്ഷ​ന​ട​ത്തി​പ്പി​ന്​ സ​ര്‍​ക്കാ​റും സ​ര്‍​വ​ക​ലാ​ശാ​ല​ക​ളും മാ​ര്‍​ഗ​രേ​ഖ പു​റ​പ്പെ​ടു​വി​ച്ചി​ട്ടു​ണ്ട്. പ​രീ​ക്ഷ ഹാ​ളി​ല്‍ വി​ദ്യാ​ര്‍​ഥി​ക​ള്‍​ക്കി​ട​യി​ല്‍ ഒ​ന്ന​ര മീ​റ്റ​ര്‍ അ​ക​ലം ഉ​റ​പ്പാ​ക്കി പ​ര​മാ​വ​ധി 20 പേ​രെ​യേ അ​നു​വ​ദി​ക്കാ​ന്‍ പാ​ടു​ള്ളൂ. വി​ദ്യാ​ര്‍​ഥി​ക​ള്‍ ഹാ​ജ​ര്‍ ഷീ​റ്റി​ല്‍ ​ഒ​പ്പ്​ രേ​ഖ​പ്പെ​ടു​ത്തേ​ണ്ട. മ​റ്റ്​ കോ​വി​ഡ്​ മാ​ന​ദ​ണ്ഡ​ങ്ങ​ള്‍ ക​ര്‍​ശ​ന​മാ​യി പാ​ലി​ക്ക​ണം.