കോവിഡ്-19; ഇന്ത്യയില് ഇതുവരെ 28 കേസുകള്
ന്യൂഡല്ഹി: ഇന്ത്യയില് ഇതുവരെ 28 കൊറോണ പോസിറ്റീവ് കേസുകളാണ് റിപ്പോര്ട്ട് ചെയ്തതെന്ന് കേന്ദ്ര ആരോഗ്യമന്ത്രി ഹര്ഷവര്ധന് സിങ്. ഇറ്റലിയില് നിന്നെത്തിയ 21 അംഗസംഘത്തില 16 പേര്ക്കും ഇവര്ക്കൊപ്പമുണ്ടായിരുന്ന ഇന്ത്യാക്കാരനായ ഡ്രൈവര്ക്കുമാണ് പുതിയതായി രോഗം സ്ഥിരീകരിച്ചിരിക്കുന്നത്. ഇവര് ചവ്വാലയിലെ ഐ.ടി.ബി.പി ക്യാമ്പില് നിരീക്ഷണത്തിലാണുള്ളത്. ഡല്ഹിയില് 1, ആഗ്രയില് 6, തെലങ്കാനയില് 1, കേരളത്തില് 3(രോഗം ഭേദമായവര്) എന്നിങ്ങനെയാണ് ഇതുവരെയുള്ള കണക്കുകള്.
കൊറോണ വ്യാപനത്തിന്റെ പശ്ചാത്തലത്തില് ആവശ്യമായ എല്ലാ മുന്കരുതലുകളും സ്വീകരിക്കാന് ഡല്ഹിയിലെ എല്ലാ ആശുപത്രികള്ക്കും നിര്ദേശം നല്കിയിട്ടുണ്ട്. ആശുപത്രികളില് ഐസോലേഷന് വാര്ഡുകള് ഒരുക്കും.
വളരെ എളുപ്പത്തില് വ്യാപിക്കുന്ന രോഗമാണ് കൊറോണ. എന്നാല് ചെറിയ മുന്കരുതലുകളിലൂടെ രോഗത്തെ പ്രതിരോധിക്കാനാവും. പൊതുയോഗങ്ങളില് പങ്കെടുക്കുന്നത് ഒഴിവാക്കണം. രോഗലക്ഷണങ്ങള് പ്രത്യക്ഷപ്പെട്ടുതുടങ്ങിയാല് ആശുപത്രിയില് ചികിത്സ തേടണമെന്നും മന്ത്രി നിര്ദേശിച്ചു.
രാജ്യത്തെ വിവിധ വിമാനത്താവളങ്ങളിലായി 5,89,000 ആളുകളേയും തുറമുഖങ്ങളില് 15000 പേരെയും അതിര്ത്തിയില് 10 ലക്ഷം പേരെയും ഇതുവരെ പരിശോധിച്ചു. നിരീക്ഷണം തുടരുകയാണ്. നേരത്തെ ലിസ്റ്റ് ചെയ്ത 12 രാജ്യങ്ങളിലേക്ക് മാത്രമല്ല, ഇന്ത്യയിലേക്കുള്ള എല്ലാ അന്താരാഷ്ട്രവിമാന യാത്രികരേയും കര്ശന നിരീക്ഷണത്തിന് വിധേയമാക്കുമെന്നും അദ്ദേഹം വ്യക്തമാക്കി.