വിദ്വേഷ പ്രചരണം; കങ്കണയുടെ ട്വീറ്റുകള് നീക്കംചെയ്ത് ട്വിറ്റര്
ന്യൂഡൽഹി > നിയമങ്ങൾ ലംഘിച്ചെന്നാരോപിച്ച് നടി കങ്കണ റണൗട്ടിന്റെ ചില ട്വീറ്റുകള് ട്വിറ്റര് നീക്കം ചെയ്തു. കഴിഞ്ഞ രണ്ട് മണിക്കൂറിനുള്ളില് നടിയുടെ രണ്ട് ട്വീറ്റുകളാണ് ട്വിറ്റര് നീക്കം ചെയ്തിട്ടുള്ളത്. വിദ്വേഷ പ്രചരണത്തിനെതിരെയാണ് നടപടി.
തങ്ങളുടെ നിയമങ്ങൾ ലംഘിക്കുന്ന ട്വീറ്റുകളിൽ നടപടി സ്വീകരിച്ചുവെന്ന് ട്വിറ്റർ വിശദീകരണം നൽകി. ഇന്ത്യയിലെ കർഷക പ്രക്ഷോഭത്തെ പിന്തുണച്ച പോപ് താരം റിഹാനയെ കഴിഞ്ഞ ദിവസങ്ങളിൽ കങ്കണ കടന്നാക്രമിച്ചിരുന്നു. കർഷക പ്രതിഷേധക്കാരെ ഭീകരവാദികളെന്നും അവർ ഇന്ത്യയെ വിഭജിക്കാന് ശ്രമിക്കുകയാണെന്നും പറഞ്ഞ കങ്കണ റിഹാനയെ വിഡ്ഢിയെന്നാണ് അഭിസംബോധന ചെയ്തത്.