മലയാളി മാധ്യമപ്രവർത്തകരെ അപമാനിച്ച് കെ സുരേന്ദ്രൻ
ആയുധങ്ങളുമായി കേരളത്തിൽ നിന്നെത്തിയ മാധ്യമപ്രവർത്തകരുടെ വേഷമണിഞ്ഞ അക്രമികളെയാണ് അറസ്റ്റ് ചെയ്തത് : കെ സുരേന്ദ്രൻ
തിരുവനന്തപുരം : പൗരത്വ നിയമ ഭേദഗതിക്കെതിരെയുള്ള പ്രക്ഷോഭം റിപ്പോർട്ട് ചെയ്യാനെത്തിയ മാധ്യമ പ്രവർത്തകരെ അറസ്റ്റ് ചെയ്ത സംഭവത്തിൽ പ്രതികരിച്ചുള്ള ബിജെപി നേതാവ് കെ സുരേന്ദ്രന്റെ ഫേസ്ബുക്ക് കുറിപ്പ് വിവാദമാവുന്നു. ആയുധങ്ങളുമായി കേരളത്തിൽ നിന്നെത്തിയ മാധ്യമപ്രവർത്തകരുടെ വേഷമണിഞ്ഞ അക്രമികളെയാണ് അറസ്റ്റ് ചെയ്തത് എന്നാണ് കെ സുരേന്ദ്രൻ പ്രതികരിച്ചിരിക്കുന്നത്. ഇതിനു പിന്നാലെ വീണ്ടും അതിനെ ന്യായീകരിച്ചു മറ്റൊരു പോസ്റ്റുകൂടി ഷെയർ ചെയ്തിട്ടുണ്ട്. മാധ്യമപ്രവർത്തകർക്കു മാത്രമായി പ്രത്യേക നിയമങ്ങളുമില്ല. നിയമത്തിനുമുന്നിൽ എല്ലാവരും സമൻമാരാണ്. എന്നാണ് കെ സുരേന്ദ്രൻ രണ്ടാമത്തെ പോസ്റ്റിൽ കുറിച്ചിരിക്കുന്നത്.