കെപിസിസി അംഗത്തിന്റെ വീട് ആക്രമണത്തില് അതേ അംഗത്തിന്റെ മകന് അറസ്റ്റിലായ സംഭവം: കോണ്ഗ്രസ് നേതാക്കള് പൊതുസമൂഹത്തോട് മാപ്പ് പറയണമെന്ന് കടകംപള്ളി
തിരുവനന്തപുരം : കോണ്ഗ്രസ് പ്രവര്ത്തകര് നടത്തുന്ന അക്രമങ്ങള് സിപിഐഎമ്മിന്റെ തലയില് വെച്ചുകെട്ടി അതിക്രൂരമായ കൊലപാതകത്തില് നിന്ന് ശ്രദ്ധ തിരിക്കാനാണ് ശ്രമിക്കുന്നതെന്ന് മന്ത്രി കടകംപള്ളി സുരേന്ദ്രന്. കെപിസിസി അംഗമായ ജി ലീനയുടെ വീട് സിപിഐഎം പ്രവര്ത്തകര് അടിച്ചു തകര്ത്തെന്ന് ആരോപിച്ച് പ്രതിപക്ഷ നേതാവും കെപിസിസി അധ്യക്ഷനും മുന് മുഖ്യമന്ത്രിയും ഉള്പ്പെടെയുള്ള നേതാക്കള് തന്നെ ആ വീട് സന്ദര്ശിച്ചു ആരോപണം ഉന്നയിച്ചിരുന്നു. പൊലീസ് അന്വേഷിച്ച് തെളിവ് സഹിതം പ്രതികളെ പിടികൂടിയപ്പോള് ലീനയുടെ മകനും കോണ്ഗ്രസ് പ്രവര്ത്തകനുമായ നിഖില് കൃഷ്ണയെയും സുഹൃത്തിനെയുമാണ് പിടികൂടിയത്. ഹഖിന്റെയും മിഥിലാജിന്റെയും കൊലപാതകത്തിന് പിന്നിലെ ഗൂഢാലോചന പോലെ ഈ സംഭവത്തിന് പിന്നിലും ഗൂഢാലോചന നടന്നിട്ടുണ്ടെന്ന് വ്യക്തമായി കഴിഞ്ഞുവെന്നും കടകംപള്ളി പറഞ്ഞു. കേരളത്തിന്റെ പൊതു സമൂഹത്തോട് മാപ്പ് പറയാനും സിപിഐഎമ്മിനെതിരെ ഉയര്ത്തിയ ദുരാരോപണം പിന്വലിക്കാനും കോണ്ഗ്രസ് നേതാക്കള് തയ്യാറാവണമെന്നും മന്ത്രി ഫെയ്സ്ബുക്ക് കുറിപ്പില് പറഞ്ഞു.