കെ.എം. ബഷീറിന്റെ മരണം; അപകടത്തിന്റെ സിസിടിവി ദൃശ്യങ്ങള് പ്രതിക്ക് നല്കാമെന്ന് കോടതി
തിരുവനന്തപുരം: മാധ്യമ പ്രവര്ത്തകന് കെ.എം.ബഷീര് വാഹനാപകടത്തില് കൊല്ലപ്പെട്ട കേസില് പോലീസ് തെളിവായി നല്കിയ സിസിടിവി ദൃശ്യങ്ങള് പ്രതി ശ്രീറാം വെങ്കിട്ടരാമന് നല്കാമെന്ന് കോടതിയുടെ ഉത്തരവ്. തിരുവനന്തപുരം ഫസ്റ്റ്ക്ലാസ് മജിസ്ട്രേറ്റ് കോടതിയുടേതാണ് നിര്ദ്ദേശം.
പോലീസ് തെളിവായി നല്കിയ സിഡികള് തനിക്ക് നല്കണമെന്ന് ശ്രീറാം കോടതിയില് ആവശ്യപ്പെട്ടിരുന്നു. ദൃശ്യങ്ങള് നല്കാന് തടസമില്ലെന്ന് ഫോറന്സിക് ഡയറക്ടര് അറിയിച്ചതിനെ തുടര്ന്നാണ് കോടതി നടപടി. നേരത്തേ, സിസിടിവി ദൃശ്യങ്ങള് പ്രതിക്ക് നല്കുന്നതിനെ എതിര്ത്ത് പ്രോസിക്യൂഷന് രംഗത്തെത്തിയിരുന്നു.