24 മണിക്കൂറിനിടെ 8171 പേര്‍ക്ക് രോഗം, 204 മരണം, ഇന്ത്യയില്‍ കൊവിഡ് രോഗികള്‍ രണ്ട് ലക്ഷത്തിലേക്ക്
ന്യൂഡല്‍ഹി: രാജ്യത്ത് 24 മണിക്കൂറിനിടെ 204 പേര്‍ കൊവിഡ് ബാധിച്ച്‌ മരിച്ചു. 8171 പുതിയ കൊവിഡ് കേസുകളും രാജ്യത്ത് റിപ്പോര്‍ട്ട് ചെയ്തു. ഇതോടെ രാജ്യത്തെ മൊത്തം കൊവിഡ് ബാധിതരുടെ എണ്ണം 1,98706 ആയി ഉയര്‍ന്നു. ഇതില്‍ 97,581 പേര്‍ ഇപ്പോഴും ചികിത്സയില്‍ തുടരുകയാണ്. 95,526 പേര്‍ രോഗവിമുക്തരായി. ഇതുവരെ രാജ്യത്ത് കൊവിഡ് ബാധിതരായ 5598 പേരാണ് മരണമടഞ്ഞത്.
മഹാരാഷ്ട്രയില്‍ 2361 പുതിയ രോഗികള്‍. ആകെ കേസുകള്‍ 70,000 കടന്നു. 24 മണിക്കൂറിനിടെ 76 മരണം. തമിഴ്‌നാട്ടില്‍ ഇന്നലെയും പുതിയ രോഗികള്‍ ആയിരം കടന്നു. 1162 പുതിയ രോഗികളും 11 മരണവും. ആകെ രോഗികള്‍ 23,495 ആയി. ഗുജറാത്തില്‍ ഇന്നലെ 423 പുതിയ രോഗികളും 25 മരണവും. 990 പുതിയ കൊവിഡ് രോഗികളുണ്ടായ ഡല്‍ഹിയില്‍ ആകെ കേസുകള്‍ 20,000 കടന്നു. 12 പേര്‍മരണം. ആകെ മരണം 485. മദ്ധ്യപ്രദേശില്‍ 194,രാജസ്ഥാനില്‍ 149, പശ്ചിമബംഗാളില്‍ 271, ബിഹാറില്‍ 65, ആന്ധ്രാപ്രദേശ് 105, കര്‍ണാടക 187, ജമ്മുകാശ്മീര്‍ 155,ഹരിയാന 265,പഞ്ചാബ് 38,ഒഡിഷ 156,അസം 81 എന്നിങ്ങനെ പുതിയ രോഗികളുണ്ടായി. തമിഴ്‌നാടില്‍ 184 പേര്‍ക്കാണ് ജീവന്‍ നഷ്ടമായത്. എന്നാല്‍ ഗുജറാത്തില്‍ 1063 പേരും ഡല്‍ഹിയില്‍ 523 പേരും വൈറസ് മൂലം മരിച്ചു. രാജസ്ഥാനില്‍ 198, മധ്യപ്രദേശില്‍ 358, ഉത്തര്‍പ്രദേശില്‍ 217, ബംഗാളില്‍ 325 പേരുമാണ് കൊവിഡ് ബാധിച്ച്‌ മരിച്ചത്. ഇവിടങ്ങളിലെല്ലാം രോഗികളുടെ എണ്ണം 5000ത്തിനും 10000ത്തിനും ഇടയിലാണ്.
Related News
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം
കൊവിഡ്: കേരളം രാജ്യത്തിന് മാതൃക; പ്രതിദിന കേസില് ആശങ്ക വേണ്ടെന്ന് മിഷിഗണ് യൂണിവേഴ്സിറ്റി പ്രൊഫസര് ഭ്രമർ മുഖർജി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
ആലപ്പുഴയിൽ 545 പേർക്ക് കോവിഡ്