പിണറായി സര്‍ക്കാരിന്റെ ജനക്ഷേമ പ്രവര്‍ത്തനങ്ങളെ പ്രകീര്‍ത്തിച്ച്‌ ഗവര്‍ണര്‍
തിരുവനന്തപുരം | സംസ്ഥാന സര്‍ക്കാരിന്റെ പ്രവര്‍ത്തനങ്ങളെ പ്രശംസിച്ച്‌ ഗവര്‍ണര്‍ ആരിഫ് മുഹമ്മദ് ഖാന്‍. കൊവിഡിനെതിരായ കേരളത്തില്‍ പ്രവര്‍ത്തനങ്ങള്‍ ശ്ലാഘനീയമാണെന്ന് റിപബ്ലിക് ദിന ചടങ്ങില്‍ പ്രസംഗിക്കവേ ഗവര്‍ണര്‍ പറഞ്ഞു. ബ്രേക്ക് ദ ചെയിന്‍ കാമ്ബയിനുകള്‍ ഒട്ടേറെ മാതൃകകള്‍ സൃഷ്ടിച്ചു. ഓണ്‍ലൈന്‍ ക്ലാസുകളും മാതൃകാപരമാണ്. സര്‍ക്കാരിന്റെ ലൈഫ് മിഷന്‍ പദ്ധതിയെയും ഗവര്‍ണര്‍ പ്രകീര്‍ത്തിച്ചു. രണ്ടര ലക്ഷത്തിലേറെ പേര്‍ക്ക് ഭവനം നല്‍കുന്ന പദ്ധതി ജനക്ഷേമത്തിന്റെ പ്രതീകമാണ്. കൊവിഡ് നമ്മുടെ ജീവിതത്തെയും ജീവിത ശൈലിയെയും പുനര്‍നിര്‍വചിച്ചതായി ഗവര്‍ണര്‍ പറഞ്ഞു.
രാവിലെ ഒമ്പതിന് തിരുവനന്തപുരം സെന്‍ട്രല്‍ സ്റ്റേഡിയത്തില്‍ നടന്ന റിപബ്ലിക് ദിനാഘോഷ ചടങ്ങില്‍ ഗവര്‍ണര്‍ ദേശീയ പതാക ഉയര്‍ത്തി. സായുധ സേന, പോലീസ്, പാരാമിലിറ്ററി, എന്‍ സി സി എന്നിവയുടെ പരേഡുകള്‍ ചടങ്ങില്‍ നടന്നു. കൊവിഡ് സാഹചര്യം കണക്കിലെടുത്ത് ക്ഷണിക്കപ്പെട്ട 100 പേര്‍ക്ക് മാത്രമാണ് ചടങ്ങിലേക്ക് പ്രവേശനം അനുവദിച്ചിരുന്നത്.
ജില്ലാതല പരിപാടികളില്‍ മന്ത്രിമാര്‍ പതാക ഉയര്‍ത്തി. ഇതിലും പരമാവധി 100 പേര്‍ക്കായിരുന്നു പ്രവേശനം. സബ് ജില്ലാ തലത്തില്‍ സബ് ജില്ലാ മജിസ്‌ട്രേറ്റുമാരും ബ്ലോക്ക് തലത്തില്‍ ബ്ലോക്ക് പഞ്ചായത്ത് പ്രസിഡന്റുമാരും പതാകയുയര്‍ത്തി.
Related News
രണ്ടാം പിണറായി സര്ക്കാരിന് അഭിനന്ദനങ്ങളറിയിച്ച് പ്രധാനമന്ത്രി നരേന്ദ്രമോദി
രണ്ടാം പിണറായി സര്ക്കാര് ഇന്ന് സത്യപ്രതിജ്ഞ ചെയ്യും, തുടര്ന്ന് ആദ്യ മന്ത്രിസഭാ യോഗം
രണ്ടാം പിണറായി സര്‍ക്കാരിന്റെ സത്യപ്രതിജ്ഞ മേയ് 20ന്
പിണറായി വിജയന് ഗവര്ണര്ക്ക് രാജിക്കത്ത് കൈമാറി