പരീക്ഷകള്‍ മാറ്റിവെയ്ക്കാന്‍ സര്‍വ്വകലാശാലകള്‍ക്ക് നിര്‍ദ്ദേശം നല്‍കി ഗവര്‍ണര്‍; തിങ്കളാഴ്ച മുതലുള്ള പരീക്ഷകള്‍ മാറ്റി
തിരുവനന്തപുരം : കൊവിഡ് വ്യാപനം രൂക്ഷമായ പശ്ചാത്തലത്തില്‍ വിവിധ സര്‍വ്വകലാശാലകള്‍ പരീക്ഷകള്‍ മാറ്റി വച്ചു. നിലവിലെ സാഹചര്യം കണക്കിലെടുത്ത് പരീക്ഷകള്‍ മാറ്റി വെയ്ക്കാന്‍ സര്‍വ്വകലാശാല വൈസ്ചാന്‍സലര്‍മാര്‍ക്ക് ഗവര്‍ണ്ണര്‍ നിര്‍ദ്ദേശം നല്‍കിയതിന്റെ അടിസ്ഥാനത്തിലാണ് ഈ നടപടി. തിങ്കളാഴ്ച മുതല്‍ നടത്തേണ്ട ഓഫ്‌ലൈന്‍ പരീക്ഷകള്‍ മാറ്റാനാണ് വൈസ് ചാന്‍സലര്‍മാര്‍ക്ക് ഗവര്‍ണര്‍ നിര്‍ദ്ദേശം നല്‍കിയത്.
ഇതിനെ തുടര്‍ന്ന് മലയാള സര്‍വ്വകലാശാല തിങ്കളാഴ്ച മുതല്‍ നടത്താനിരുന്ന പരീക്ഷകള്‍ മാറ്റിവച്ചതായി അറിയിച്ചു. പുതുക്കിയ തീയ്യതികള്‍ പിന്നീട് അറിയിക്കും. ആരോഗ്യ സര്‍വകലാശാല എല്ലാ പരീക്ഷകളും ഇനി ഒരു അറിയിപ്പ് ഉണ്ടാകുന്നത് വരെ മാറ്റിവച്ചതായും അറിയിച്ചു.
കോവിഡ് വ്യാപന രൂക്ഷമാവുകയും കര്‍ശ്ശന നിയന്ത്രണങ്ങള്‍ ഏര്‍പ്പെടുത്തിയപ്പോള്‍ പരീക്ഷ നടത്തുന്നതില്‍ വിദ്യാര്‍ത്ഥികളും രക്ഷിതാക്കളും വിമര്‍ശനങ്ങള്‍ ഉന്നയിച്ചിരുന്നു. ഇത് കൂടി കണക്കിലെടുത്താണ് നടപടി.
Related News
കേരളത്തിലെ നദികൾ ഇനി എളുപ്പത്തിൽ പഠിക്കാം - പെരിയാർ | PSC വിജയം നേടാൻ ഒരു അടിപൊളി വീഡിയോ
സാങ്കേതിക സര്‍വകലാശാല പരീക്ഷകള്ക്ക് മാറ്റമില്ല
സംസ്ഥാന എന്ജിനിയറിങ് പ്രവേശന പരീക്ഷ മാറ്റി
കാലിക്കറ്റ് സര്‍വകലാശാല ശനിയാഴ്ചത്തെ പരീക്ഷകള്‍ മാറ്റി