രണ്ടാം പിണറായി സര്‍ക്കാരിന്റെ സത്യപ്രതിജ്ഞ മേയ് 20ന്
പിണറായി സര്‍ക്കാരിന്റെ സത്യപ്രതിജ്ഞാ ചടങ്ങ് മേയ് 20ന് ഉച്ചകഴിഞ്ഞ് 3.30ന് തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ നടക്കും. കൊവിഡ് പ്രോട്ടോക്കോള്‍ പാലിച്ച്‌ നടത്തുന്നതിനാല്‍ ചടങ്ങില്‍ പരവാധി ആളുകളുടെ എണ്ണം കുറയ്ക്കാന്‍ തീരുമാനിച്ചിട്ടുണ്ട്.
ഒരു മാധ്യമസ്ഥാപനത്തില്‍ നിന്ന് ഒരു അക്രഡിറ്റഡ് റിപ്പോര്‍ട്ടര്‍ക്കാണ് പാസ് ലഭിക്കുക. അക്രഡിറ്റഡ് മാധ്യമ പ്രവര്‍ത്തകര്‍ ഇല്ലാത്ത സ്ഥാപനങ്ങള്‍ക്ക് മറ്റൊരു റിപ്പോര്‍ട്ടറുടെ പേര് നിര്‍ദ്ദേശിക്കാവുന്നതാണ്. പി. ആര്‍. ഡി മീഡിയ ലിസ്റ്റിലുള്ള മാധ്യമ സ്ഥാപനങ്ങള്‍ക്കാണ് പാസ് ലഭിക്കുക. ഫോട്ടോഗ്രാഫര്‍മാര്‍ക്കും ചാനല്‍ വീഡിയോഗ്രാഫര്‍മാര്‍ക്കും പ്രവേശനം നല്‍കാന്‍ കഴിയുന്ന സാഹചര്യമല്ല ഇപ്പോഴുള്ളത്. മള്‍ട്ടി ക്യാം ഉപയോഗിച്ച്‌ ചടങ്ങ് ചിത്രീകരിച്ച്‌ വീഡിയോ ഔട്ട് ചാനലുകള്‍ക്ക് ഉച്ചയ്ക്ക് രണ്ടു മണി മുതല്‍ പി. ആര്‍. ഡി നല്‍കും. സെക്രട്ടേറിയറ്റ് സൗത്ത് ബ്ലോക്കിലെ പി. ആര്‍. ചേംബറില്‍ നിന്നാവും വീഡിയോ ഔട്ട് ലഭിക്കുക. മാധ്യമങ്ങള്‍ക്കാവശ്യമായ ചടങ്ങിന്റെ ഫോട്ടോകളും പി. ആര്‍. ഡി ലഭ്യമാക്കാം.
സത്യപ്രതിജ്ഞയ്ക്കു ശേഷം മുഖ്യമന്ത്രിയും മന്ത്രിമാരും സെക്രട്ടേറിയറ്റിലെത്തുന്നതിന്റേയും ചുമതലയേല്‍ക്കുന്നതിന്റേയും ആദ്യ കാബിനറ്റ് യോഗത്തിന്റേയും വിഷ്വലുകളും ഫോട്ടോകളും പി. ആര്‍. ഡി ലഭ്യമാക്കും. ഇതോടൊപ്പം രാജ്ഭവനിലെ വിഷ്വല്‍സ് ലഭ്യമാക്കാനും പി. ആര്‍. ഡി നടപടി സ്വീകരിച്ചിട്ടുണ്ട്. മറ്റു വീഡിയോകള്‍ക്ക് സെക്രട്ടേറിയറ്റിലും രാജ്ഭവനിലും പ്രവേശനം അനുവദിക്കുന്നതിന് പരിമിതികളുള്ള സാഹരച്യത്തിലാണിത്.
ചടങ്ങില്‍ പങ്കെടുക്കാനെത്തുന്ന റിപ്പോര്‍ട്ടര്‍മാര്‍ ജി. ഒ (ആര്‍.ടി) നം. 427/2021 ഡി. എം. ഡി പ്രകാരം 48 മണിക്കൂറിനുള്ളില്‍ എടുത്ത ആര്‍. ടി. പി. സി. ആര്‍, ട്രൂനാറ്റ്, ആര്‍. ടി. ലാമ്ബ് പരിശോധനകളിലൊന്നിന്റെ നെഗറ്റീവ് സര്‍ട്ടിഫിക്കറ്റോ രണ്ടു ഡോസ് വാക്‌സിനേഷന്‍ പൂര്‍ത്തിയാക്കിയതിന്റെ സര്‍ട്ടിഫിക്കറ്റോ കൈയില്‍ കരുതണം. ചടങ്ങില്‍ പങ്കെടുക്കുന്ന മാധ്യമ പ്രവര്‍ത്തകരുടെ പേരു വിവരം ഇന്ന് വൈകുന്നേരം നാലു മണിക്ക് മുമ്ബ് പി. ആര്‍. ഡിയുടെ വാട്‌സ്‌ആപ്പ് ഗ്രൂപ്പില്‍ അറിയിക്കണം .
ആരോഗ്യവകുപ്പുമായി സഹകരിച്ച്‌ ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പ് ഇന്നും നാളെയുമായി മാധ്യമ പ്രവര്‍ത്തകര്‍ക്ക് കൊവിഡ് ടെസ്റ്റ് നടത്തുന്നതിന് ഐ. എം. ജിയില്‍ സൗകര്യമൊരുക്കും. ടെസ്റ്റിന് പങ്കെടുക്കാന്‍ കഴിയുന്ന തീയതിയും റിപ്പോര്‍ട്ടറുടെ പേരിനൊപ്പം അറിയിക്കണമെന്ന് അഭ്യര്‍ത്ഥിക്കുന്നു. അതനുസരിച്ച്‌ പി. ആര്‍. ഡിയില്‍ നിന്ന് ലിസ്റ്റ് ലഭ്യമാക്കുന്ന മുറയ്ക്കാവും കൊവിഡ് പരിശോധന നടത്തുക.
Related News
രണ്ടാം പിണറായി സര്ക്കാരിന് അഭിനന്ദനങ്ങളറിയിച്ച് പ്രധാനമന്ത്രി നരേന്ദ്രമോദി
രണ്ടാം പിണറായി സര്‍ക്കാര്‍ ഇന്ന് സത്യപ്രതിജ്ഞ ചെയ്യും, തുടര്ന്ന് ആദ്യ മന്ത്രിസഭാ യോഗം