ശ്രീറാം വെങ്കിട്ടരാമന് കോടതിയുടെ അന്ത്യശാസനം; വഫയ്ക്ക് ജാമ്യം
തിരുവനന്തപുരം: മാധ്യമ പ്രവര്ത്തകന് കെ.എം. ബഷീര് മരിക്കാനിടയാക്കിയ വാഹനാപകട കേസിലെ പ്രതി ശ്രീറാം വെങ്കിട്ടരാമന് കോടതിയുടെ അന്ത്യശാസനം. ഒക്ടോബര് 12 ന് കോടതിയില് ശ്രീറാം നേരിട്ട് ഹാജരാകണമെന്ന് കോടതി അന്ത്യശാസനം നല്കി. തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയുടെയാണ് നടപടി.
മൂന്ന് പ്രാവശ്യം ആവശ്യപ്പെട്ടിട്ടും ശ്രീറാം കോടതിയില് ഹാജരായിട്ടില്ല. അതേസമയം കേസിലെ രണ്ടാം പ്രതി വഫ ഫിറോസ് കോടതിയില് ഹാജരായി ജാമ്യമെടുത്തിരുന്നു. ശ്രീറാം വെങ്കിട്ടരാമന് ഓടിച്ച കാറിടിച്ചാണ് മാധ്യമപ്രവര്ത്തകന് ബഷീര് മരിച്ചത്.