ഒരു രാജ്യം ഒരു റേഷന് കാര്ഡ് പദ്ധതി ജൂലായ് 31നകം നടപ്പാക്കണമെന്ന് സുപ്രീംകോടതി
ന്യൂഡല്ഹി:ഒരു രാജ്യം ഒരു റേഷന് കാര്ഡ് പദ്ധതി ജൂലായ് 31നകം നടപ്പാക്കണമെന്ന് സുപ്രീംകോടതി. കുടിയേറ്റ തൊഴിലാളികളുടെ കണക്കെടുപ്പും ഇക്കാലയളവില് തന്നെ പൂര്ത്തിയാക്കണം. കൊവിഡ് പ്രതിസന്ധി പൂര്ണമായി ഒഴിയുന്നത് വരെ സമൂഹ അടുക്കള വഴി ഭക്ഷണം വിതരണം ചെയ്യണമെന്നും സുപ്രീംകോടതി കേന്ദ്ര, സംസ്ഥാന സര്ക്കാരുകളോട് നിര്ദേശിച്ചു.
കുടിയേറ്റ തൊഴിലാളികള് എവിടെയാണ് താമസിക്കുന്നത് അവിടെ ഭക്ഷ്യധാന്യം ലഭിക്കുന്നതിനുള്ള നടപടികള് സ്വീകരിക്കണം. നിര്ദേശങ്ങള് കേന്ദ്ര, സംസ്ഥാന സര്ക്കാരുകള് കര്ശനമായി പാലിക്കണമെന്നും സുപ്രീംകോടതി ഓര്മ്മിപ്പിച്ചു. കൊവിഡ് വ്യാപനത്തെ തുടര്ന്ന് പ്രതിസന്ധിയിലായ കുടിയേറ്റ തൊഴിലാളികളുടെ പ്രശ്നം പരിഹരിക്കുന്നതിന് സുപ്രീംകോടതി സ്വമേധയാ എടുത്ത കേസിലാണ് നിര്ദേശം.