കേന്ദ്ര സർക്കാരിന്റെ കർഷകദ്രോഹ നടപടികൾ അവസാനിപ്പിക്കണമെന്നാവശ്യപെട്ട് ജനാധിപത്യ കേരളാ കോൺഗ്രസ്

Ajith.A

27 October 2020 02:03 PM

  കടുത്തുരുത്തി:  ജനാധിപത്യ കേരളാ കോൺഗ്രസ് സംസ്ഥാന വ്യാപകമായി നടത്തുന്ന പ്രക്ഷോഭങ്ങളുടെ ഭാഗമായി കടുത്തുരുത്തിയിൽ ധർണ്ണ നടത്തി.കേന്ദ്ര സർക്കാരിന്റെ കർഷകദ്രോഹ നടപടികൾ അവസാനിപ്പിക്കുക, കാർഷിക ബിൽ പിൻവലിക്കുക, ബാങ്കുകൾ കാർഷിക വായ്പാ കുടിശിഖയുള്ളവരുടെ ജപ്തി നടപടികൾ നിറുത്തി വയ്ക്കുക തുടങ്ങിയ ദേശിയ ആവശ്യങ്ങളും,പാലകരയിലെ അടച്ചു പൂട്ടിയ പി.എൽ സി ഫാക്ടറി തുറന്ന് പ്രവർത്തിപ്പിക്കുക, ഫീൽഡ് ഓഫീസുകൾ നിറുത്തലാക്കുവാനുള്ള റബർ ബോർഡ് തീരുമാനം പിൻവലിക്കുക തുടങ്ങിയ പ്രാദേശിക വിഷയങ്ങളും ഉന്നയിച്ചു കൊണ്ടാണ് ധർണ്ണ നടത്തിയത്.

ധർണ്ണ ജനാധിപത്യ കേരളാ കോൺഗ്രസ് നിയോജക മണ്ഡലം പ്രസിഡന്റ് സന്തോഷ് കുഴിവേലി ഉത്ഘാടനം ചെയ്തു.സി.കെ.ബാബു ചിത്രാഞ്ജലി, അനിൽ കാട്ടാത്തു വാലയിൽ, ശശീധരൻ നായർ, ജോ തോമസ് തുടങ്ങിയവർ പ്രസംഗിച്ചു.