കോവിഡ് പ്രതിസന്ധി; പാര്‍ലമെന്‍റ് ശീതകാല സമ്മേളനം ഒഴിവാക്കി
ന്യൂഡല്‍ഹി: കോവിഡ് പ്രതിസന്ധിയുടെ പശ്ചാത്തലത്തില്‍ ഇത്തവണത്തെ പാര്‍ലമെന്‍റ് ശീതകാല സമ്മേളനം ഇല്ലെന്ന് കേന്ദ്രസര്‍ക്കാര്‍. ഈ തീരുമാനത്തെ എല്ലാ രാഷ്ട്രിയ പാര്‍‌ട്ടികളും അനുകൂലിച്ചതായി പാര്‍മമെന്‍ററി കാര്യമന്ത്രി പ്രഹ്ലാദ് ജോഷി പറഞ്ഞു. ജനുവരിയില്‍ ബജറ്റ് സമ്മേളനത്തിലേക്ക് നേരിട്ട് കടക്കുമെന്നും അദ്ദേഹം വ്യക്തമാക്കി.
ഡല്‍ഹിയില്‍ കര്‍ഷക സമരം തുടരുന്ന സാഹചര്യത്തില്‍ പാര്‍ലമെന്‍റ് വിളിച്ച്‌ ചേര്‍ത്ത് പ്രശ്നങ്ങള്‍ ചര്‍ച്ച ചെയ്യണമെന്ന് ആവശ്യപ്പെട്ട് കോണ്‍ഗ്രസ് നേതാവ് ആധിര്‍ രഞ്ജന്‍ ചൗധരി നല്‍കിയ കത്തിന് മറുപടിയായിട്ടാണ് ശീതകാല സമ്മേളനം ഉപേക്ഷിച്ചുവെന്ന് പ്രഹ്ലാദ് ജോഷി അറിയിച്ചത്. കോവിഡ് പ്രതിസന്ധിയുടെ പശ്ചാത്തലത്തില്‍ സമ്മേളനം നടത്തുന്നില്ലെന്നും ഇക്കാര്യവുമായി ബന്ധപ്പെട്ട് എല്ലാ പാര്‍ട്ടി നേതാക്കളുമായും താന്‍ ചര്‍ച്ച നടത്തിയെന്നും അദ്ദേഹം പറഞ്ഞു. അതേസമയം, തങ്ങളോട് മന്ത്രി ഇക്കാര്യത്തില്‍ ചര്‍ച്ച നടത്തിയിട്ടില്ലെന്നും മന്ത്രി കള്ളം പറയുകയാണെന്നും കോണ്‍ഗ്രസ് നേതാക്കള്‍ കുറ്റപ്പെടുത്തി.
നേരത്തെ കോവിഡ് പ്രതിസന്ധിയുടെ പശ്ചാത്തലത്തിലും മണ്‍സൂണ്‍ സമ്മേളനം ചേര്‍ന്നിരുന്നു. ഈ സമ്മേളനത്തിലാണ് നിലവിലെ പ്രശ്നങ്ങള്‍ക്ക് കാരണമായ മൂന്ന് കാര്‍ഷിക ബില്ലുകള്‍ ഉള്‍പ്പടെ 27 സുപ്രധാന ബില്ലുകള്‍ പാസാക്കിയത്.
Related News
ബജറ്റ് സമ്മേളനത്തിന് തുടക്കം: കോവിഡിനെതിരായ പോരാട്ടത്തില് രാജ്യം കരുത്ത് തെളിയിച്ചു; രാഷ്ട്രപതി റാം നാഥ് കോവിന്ദ്
പാര്‍ലമെന്‍റ് ബജറ്റ് സമ്മേളനം; രണ്ടാം ഘട്ടം ഇന്ന് ആരംഭിക്കും
ഗാന്ധിയുടെ പ്രതിമ പാര്ലമെന്റിലെ പ്രധാന കവാടത്തില് നിന്നും നീക്കി