കോവിഡ് 19; അങ്കണവാടി കുട്ടികൾക്ക്‌ ഭക്ഷണം വീട്ടിലെത്തിച്ച്‌ തുടങ്ങി

News Desk

12 March 2020 12:04 PM

തിരുവനന്തപുരം: കോവിഡ് 19ന്റെ സാഹചര്യത്തിൽ അങ്കണവാടികൾക്ക്‌ അവധി നൽകിയതിനൊപ്പം കുട്ടികൾക്കുള്ള ഭക്ഷണം വീട്ടിൽ എത്തിക്കാൻ മുഖ്യമന്ത്രി നിർദേശിച്ചിരുന്നു. ചൊവ്വാഴ്‌ച തന്നെ വനിതാ ശിശുക്ഷേമ വകുപ്പിന്റെ ഉത്തരവ്‌ ലഭിച്ചു. ഇതോടെ എല്ലാ അങ്കണവാടികളിലെയും ടീച്ചർമാർ "ടേക്ക്‌ ഹോം റേഷൻ' എന്ന പേരിൽ കുട്ടികൾക്ക്‌ ഭക്ഷണസാധനം വീട്ടിൽ എത്തിക്കാൻ രംഗത്തിറങ്ങി. ഗർഭിണികൾക്കും മുലയൂട്ടുന്ന അമ്മമാർക്കുമുള്ള ഭക്ഷണസാധനങ്ങളും വീടുകളിൽ എത്തിക്കും.

60 ഗ്രാം അരി, 15 ഗ്രാം പയർ, 60 ഗ്രാം റവ, 30 ഗ്രാം കപ്പലണ്ടി, 30 ഗ്രാം ശർക്കര, അഞ്ച്‌ ഗ്രാം എണ്ണ എന്നിവയാണ്‌ അങ്കണവാടിയിൽ ഒരു ദിവസം ഒരു കുട്ടിക്ക്‌ നീക്കിവയ്‌ക്കുന്നത്‌. ഇതുപ്രകാരം 21 ദിവസത്തേക്കുള്ള സധനങ്ങൾ വീതിച്ചുനൽകും. പാലും നൽകും. ഒരാഴ്‌ചയ്‌ക്കുള്ളിൽ വിതരണം പൂർത്തിയാകുമെന്ന്‌ ഐസിഡിഎസ്‌ സംസ്ഥാന പ്രോഗ്രാം ഓഫീസർ പ്രേംന ശങ്കർ അറിയിച്ചു.

Image Credits : Deshabhimani