വിദ്യാര്‍ഥികള്‍ക്ക് സ്‌കൂള്‍ തുറക്കുന്നതുവരെ ഉച്ചഭക്ഷണത്തിനു പകരം കൂപ്പണ്‍; വീടിനടുത്തുള്ള സപ്ലൈക്കോയില്‍ നല്‍കി ഭക്ഷ്യവസ്തുക്കള്‍ വാങ്ങാം
തിരുവനന്തപുരം: സംസ്ഥാനത്തെ വിദ്യാര്‍ഥികള്‍ക്ക് സ്‌കൂള്‍ തുറക്കുന്നത് വരെ ഉച്ചഭക്ഷണം നല്‍കുന്നതിനു പകരം കൂപ്പണ്‍ നല്‍കാന്‍ സര്‍ക്കാര്‍ തീരുമാനം. ഇതിനായി കുട്ടികള്‍ക്കുള്ള ഭക്ഷ്യ ഭദ്രത കൂപ്പണിന് അനുമതി നല്‍കിക്കൊണ്ട് പൊതുവിദ്യാഭ്യാസ വകുപ്പ് സെക്രട്ടറി ഉത്തരവ് ഇറക്കി. ഉച്ചഭക്ഷണത്തിനു പകരം ലഭിക്കുന്ന കൂപ്പണുകള്‍ രക്ഷിതാക്കള്‍ക്ക് വീടിനടുത്തുള്ള സപ്ലൈക്കോയില്‍ നല്‍കി ഭക്ഷ്യവസ്തുക്കള്‍ വാങ്ങാം. എല്‍.പി വിദ്യാര്‍ഥികള്‍ക്ക് 300 രൂപയുടെ കൂപ്പണും യു.പി. കുട്ടികള്‍ക്ക് 500 രൂപയുടെ ഭക്ഷണ കൂപ്പണുമാണ് നല്‍കുന്നത്. കോവിഡ് സാഹചര്യത്തില്‍ സ്‌കൂളുകള്‍ തുറക്കാത്തതിനാല്‍ കുട്ടികള്‍ക്ക് ഉച്ചഭക്ഷണം നല്‍കുന്ന ബാധ്യത സര്‍ക്കാരിന് ഒഴിവായിരുന്നു. തിരഞ്ഞെടുപ്പ് അടുത്ത സാഹചര്യത്തിലാണ് റേഷന്‍കാര്‍ഡ് ഉടമകള്‍ക്ക് കിറ്റ് നല്‍കുന്നതുപോലെ സ്‌കൂള്‍ കുട്ടികള്‍ക്ക് കൂപ്പണ്‍ നല്‍കാന്‍ തീരുമാനിച്ചിരിക്കുന്നത്. സ്‌കൂള്‍ തുറക്കുന്നതുവരെയായിരിക്കും ഈ കൂപ്പണ്‍ സംവിധാനം ഉണ്ടാകുക.
Related News
സിനിമാ താരം നോബിയുടെ മാതാവ് മരണപ്പെട്ടു
കണ്ണൂരില് വന് മയക്കുമരുന്ന് വേട്ട; യുവതി ഉള്പ്പെടെ നാലുപേര് പിടിയില്
'ഉപ്പ് തിന്നവര് വെള്ളം കുടിക്കും'-മരം മുറിയില് നിലപാട് ആവര്ത്തിച്ച് മുഖ്യമന്ത്രി
ഒക്ടോബർ രണ്ടിനകം മുഴുവൻ വില്ലേജ് ഓഫീസ് സേവനങ്ങളും ഓൺലൈനായി ലഭ്യമാക്കും; അഞ്ചുവർഷത്തിനകം എല്ലാ വില്ലേജ് ഓഫീസുകളും സ്മാർട്ട് ആക്കും; മുഖ്യമന്ത്രി