പൂതന പരാമര്ശം; ശോഭ സുരേന്ദ്രനെതിരെ തെരഞ്ഞെടുപ്പ് കമ്മീഷന് പരാതി
തിരുവനന്തപുരം: കടകംപള്ളി സുരേന്ദ്രനെതിരായ പൂതന പരാമര്ശത്തില് ശോഭ സുരേന്ദ്രനെതിരെ ഡിവൈഎഫ്ഐ നേതാവ് മുഖ്യ തെരഞ്ഞെടുപ്പ് ഓഫീസര്ക്ക് പരാതി നല്കി. കരിക്കകം സ്വദേശി ബി.എസ്. സജിയാണ് തെരഞ്ഞെടുപ്പ് ഓഫീസര്ക്ക് പരാതി നല്കിയത്.
കടകംപള്ളി അയ്യപ്പവിശ്വാസികളെ ദ്രോഹിക്കാന് വന്ന പൂതനയാണെന്നായിരുന്നു ശോഭ സുരേന്ദ്രന് ശനിയാഴ്ച പറഞ്ഞത്. ശബരിമല വിഷയത്തില് കടകംപള്ളിയുടെ ഖേദപ്രകടനം വീണിടത്തു കിടന്ന് ഉരുളലാണെന്നും ശോഭ പറഞ്ഞിരുന്നു.