ബൈറൂത് സ്ഫോടനം: മരണം 100 കവിഞ്ഞു
ബൈറൂത്: ബൈറൂത് സ്ഫോടനത്തില്‍ മരണ സംഖ്യ 100 കടന്നതായി റിപ്പോര്‍ട്ട്. 4000ത്തില്‍ അധികം പേര്‍ക്ക് പരിക്കേറ്റിട്ടുണ്ട്. നൂറിലധികം പേരെ കാണാതായിട്ടുണ്ട്. മരണസംഖ്യ ഉയരാന്‍ സാധ്യതയുണ്ടെന്നും 'അല്‍ ജസീറ' റിപ്പോര്‍ട്ട് ചെയ്തു. ആശുപത്രികളെല്ലാം പരിക്കേറ്റവരെക്കൊണ്ട് നിറഞ്ഞിരിക്കുകയാണ്. ബൈറൂത്തിെന്‍റ തുറമുഖ ഭാഗത്താണ് ചൊവ്വാഴ്ച രാത്രിയോടെ സ്ഫോടനമുണ്ടായത്. തുറമുഖത്തെ ഗാരേജില്‍ സൂക്ഷിച്ച 2750 ടണ്‍ അമോണിയം നൈട്രേറ്റാണ് സ്ഫോടന കാരണമെന്നാണ് പ്രാഥമിക നിഗമനം.
ബൈറൂത് നഗരത്തിെന്‍റ വലിയൊരു ഭാഗവും സ്ഫോടനാവശിഷ്ടങ്ങള്‍ നിറഞ്ഞു. ആയിരക്കണക്കിന് താമസകേന്ദ്രങ്ങളും വാഹനങ്ങളുമാണ് തകര്‍ന്നത്്. കെട്ടിട അവശിഷ്ടങ്ങള്‍ക്കിടയില്‍ കുടുങ്ങിയവര്‍ക്കായി രക്ഷാപ്രവര്‍ത്തകര്‍ തിരച്ചില്‍ തുടരുകയാണ്. അമോണിയം നൈട്രേറ്റാണ് സ്ഫോടക കാരണമെന്നാണ് സൂചനയെങ്കിലും വിശദ അന്വേഷണം നടക്കുന്നുണ്ട്. സ്ഫോടനത്തെ തുടര്‍ന്ന് ലബനാന് പ്രസിഡന്‍റ് മൈക്കല്‍ ഒൗന്‍ അടിയന്തര മന്ത്രിസഭ യോഗം വിളിക്കുകയും രണ്ടാഴ്ച അടിയന്താരാവസ്ഥ പ്രഖ്യാപിക്കുകയും ചെയ്തു. മൂന്ന് ദിവസത്തെ ദുഃഖാചരണവും സര്‍ക്കാര്‍ പ്രഖ്യാപിച്ചിട്ടുണ്ട്. അപകടത്തിന് കാരണക്കാരായവരെ കെണ്ടത്തി അര്‍ഹമായ ശിക്ഷ ഉറപ്പാക്കുമെന്നും മൈക്കല്‍ ഒൗന്‍ പറഞ്ഞു.
ലബനാന് അടിയന്തര സഹായം ആവശ്യമാെണന്ന് പ്രധാനമന്ത്രി ഹസന്‍ ദിയാബ് പറഞ്ഞു. അമേരിക്ക, തുര്‍ക്കി, ഇറാന്‍ തുടങ്ങിയ രാജ്യങ്ങളെല്ലാം സഹായം വാഗ്ദാനം ചെയ്തിട്ടുണ്ട്.
Related News
കോവിഡ് മരണക്കണക്ക് മറച്ചുവെച്ചിട്ടില്ലെന്ന് ആരോഗ്യ മന്ത്രി
കൊവിഡ് ബാധിച്ച് മരിച്ചവരുടെ മൃതദേഹം വീട്ടില് കൊണ്ടുപോകാനും കാണാനും അനുമതി
കോവിഡ് മൂലമുണ്ടായ മരണങ്ങള്ക്ക് നാല് ലക്ഷം നഷ്ടപരിഹാരം നല്കാനാവില്ല
വാക്സിന് പാര്ശ്വഫലങ്ങളെ തുടര്‍ന്ന് രാജ്യത്ത് ആദ്യ മരണം; സ്ഥിരീകരിച്ച് കേന്ദ്രസര്ക്കാര്