അഞ്ചല് ഉത്ര വധം: കുഞ്ഞിനെ ഉത്രയുടെ കുടുംബത്തിന് കൈമാറാന് ഉത്തരവ്
കൊല്ലം: അഞ്ചലില് കൊല്ലപ്പെട്ട ഉത്രയുടെ ഒന്നര വയസ്സുകാരനായ മകനെ ഉത്രയുടെ കുടുംബത്തിനു കൈമാറാന് കൊല്ലം ജില്ലാ ചൈല്ഡ് വെല്ഫെയര് കമ്മിറ്റി ഉത്തരവിട്ടു. സംസ്ഥാന വനിതാകമ്മിഷന് ഇടപെടലിനെ തുടര്ന്നാണു നടപടി. ശിശുക്ഷേമ സമിതിയുടെ നേതൃത്വത്തില് കുഞ്ഞിനെ ഉത്രയുടെ മാതാപിതാക്കള്ക്ക് കൈമാറും.
ഉത്രയുടെ പിതാവിന്റെ ആവശ്യപ്രകാരമാണിത്. കുഞ്ഞ് ഇപ്പോള് സൂരജിന്റെ മാതാപിതാക്കള്ക്കൊപ്പമാണ് കഴിയുന്നത്. ഉത്രയുടെ മരണം കൊലപാതകമാണെന്ന് തെളിഞ്ഞതോടെയാണ് കുട്ടിയെ വിട്ടുകിട്ടണമെന്ന് ഉത്രയുടെ കുടുംബം ആവശ്യമുന്നയിച്ചത്. ഉറങ്ങിക്കിടക്കുകയായിരുന്ന ഉത്രയെ സൂരജ് മൂര്ഖന് പാമ്പിനെ ദേഹത്തേക്കിട്ട് കൊത്തിച്ച് കൊലപ്പെടുത്തുകയായിരുന്നു. ഉത്രയുടെ സ്വത്തും സ്വര്ണാഭരണങ്ങളും തട്ടിയെടുത്ത് മറ്റൊരു വിവാഹം കഴിക്കാനാണ് സൂരജ് കൊലപാതകം നടത്തിയത്.