കോഴിക്കോട് ജില്ലയില് 97 പേര്ക്കുകൂടി രോഗം; അഞ്ച് ആരോഗ്യപ്രവര്ത്തകര്ക്കും കോവിഡ്
കോഴിക്കോട്: ജില്ലയില് 97 പേര്ക്കുകൂടി കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫിസര് അറിയിച്ചു . വിദേശത്തുനിന്ന് എത്തിയ മൂന്നു പേര്ക്കും സമ്പർക്കം വഴി 70 പേരും പോസിറ്റീവായി . ഉറവിടം വ്യക്തമല്ലാത്ത എട്ട് കേസുകളും ഇതര സംസ്ഥാനങ്ങളില് നിന്ന് എത്തിയ 14 പേര്ക്കും രോഗം സ്ഥിരീകരിച്ചു. അഞ്ച് ആരോഗ്യപ്രവര്ത്തകര്ക്കും രോഗം സ്ഥിരീകരിച്ചു.
ഇതോടെ 847 കോഴിക്കോട് സ്വദേശികള് കൊവിഡ് പോസിറ്റീവായി ചികിത്സയിലാണ്. ഇതില് 259 പേര് കോഴിക്കോട് മെഡിക്കല് കോളജിലും 78 പേര് ഫസ്റ്റ് ലൈന് ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലും, 118 പേര് കോഴിക്കോട് എന്ഐടി എഫ്എല്ടിയിലും 67 പേര് ഫറോക്ക് എഫ്എല്ടിയിലും 179 പേര് എന്ഐടി മെഗാ എഫ്എല്ടിയിലും 77 പേര് എഡബ്ലിയുഎച്ച് എഫ്എല്ടിയിലും 59 പേര് മണിയൂര് എഫ്എല്ടിയിയിലും 10 പേര് വിവിധ സ്വകാര്യ ആശുപത്രികളിലും 4 പേര് മലപ്പുറത്തും 3 പേര് കണ്ണൂരിലും ഒരാള് എറണാകുളത്തും ചികിത്സയിലാണ്.