യാത്ര നിയന്ത്രണങ്ങള്‍ ബസ് വ്യവസായം തകര്‍ക്കുമെന്ന് ഉടമകള്‍

Ajith.A

17 April 2021 05:51 PM

പാലക്കാട്: ബസുകളില്‍ യാത്രക്കാരെ കയറ്റുന്നത് സംബന്ധിച്ച തീരുമാനത്തില്‍ സര്‍ക്കാര്‍ നിലപാട് കടുപ്പിച്ചാല്‍ തകര്‍ച്ച നേരിടുന്ന ബസ് വ്യവസായം വീണ്ടും പ്രതിസന്ധിയിലേക്ക് നീങ്ങുമെന്ന് പാലക്കാട് ബസ് ഓപ്പറേറ്റേഴ്സ് അസോസിയേഷന്‍. ഇക്കാര്യത്തില്‍ സര്‍ക്കാര്‍ അനുകൂല തീരുമാനം കൈക്കൊള്ളണമെന്നും, അല്ലാത്തപക്ഷം സംസ്ഥാനത്ത് സ്വകാര്യ ബസുകളെ റോഡുകളില്‍നിന്ന് പിന്‍വലിക്കേണ്ടി വരുമെന്നും, ഓള്‍ കേരള ബസ് ഓപറേ​റ്റേഴ്സ് ഓര്‍ഗനൈസേഷന്‍ സംസ്ഥാന ജനറല്‍ സെക്രട്ടറി ടി. ഗോപിനാഥനും പറഞ്ഞിരിക്കുകയാണ്. തുടര്‍ച്ചയായ സ്റ്റോപ്പുകളില്‍ നിന്ന് യാത്രക്കാരെ കയറ്റരുതെന്ന നടപടിയാണ് പ്രതിസന്ധിയായി ബസ് ഉടമകള്‍ ചൂണ്ടിക്കാണിക്കുന്നത്.