യു.എ.ഇയില്‍ 561 പേര്‍ക്ക് കൂടി കോവിഡ് 19: എട്ട് മരണം
അബുദാബി: യു.എ.ഇയില്‍ 561 പുതിയ കൊറോണ വൈറസ് അണുബാധകള്‍ കൂടി റിപ്പോര്‍ട്ട് ചെയ്തു. ഇതോടെ രാജ്യത്തെ മൊത്തം കേസുകളുടെ എണ്ണം 13,599 ആയതായി യു.എ.ഇയിലെ ആരോഗ്യ, പ്രതിരോധ മന്ത്രാലയം ശനിയാഴ്ച അറിയിച്ചു. 121 പേര്‍ക്ക് രോഗം പൂര്‍ണമായും ഭേദമായി. യു.എ.ഇയിലെ ആകെ രോഗമുക്തരായവരുടെ എണ്ണം 2,664 ആണ്. എട്ടു മരണങ്ങളും മന്ത്രാലയം പ്രഖ്യാപിച്ചു. ഇതോടെ ആകെ മരണസംഖ്യ 119 ആയി.
അബുദാബി കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാന്‍ഡറുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാന്റെ നിര്‍ദ്ദേശ പ്രകാരം ആരംഭിച്ച ദേശീയ ഹോം ടെസ്റ്റിംഗ് പ്രോഗ്രാമിന്റെ ഭാഗമായി നടത്തിയ പരിശോധനയില്‍ 22 പേര്‍ രോഗബാധിതരാണെന്ന് കണ്ടെത്തിയതായി യു.എ.ഇ സര്‍ക്കാരിന്റെ വക്താവ് ഡോ. അംന അല്‍ ദഹക് അല്‍ ഷംസി പറഞ്ഞു. കഴിഞ്ഞ കുറച്ചു ദിവസങ്ങളായി യു.എ.ഇ പൗരന്മാര്‍ക്കും താമസക്കാര്‍ക്കുമിടയില്‍ 36,000 ലധികം അധിക കോവിഡ് -19 പരിശോധനകള്‍ നടത്തി. പുതിയ കൊറോണ വൈറസ് രോഗികളുടെ ആരോഗ്യനില തൃപ്തികരമാണെന്നും ആവശ്യമായ പരിചരണം ലഭിക്കുന്നുണ്ടെന്നും അല്‍ ഷമി കൂട്ടിച്ചേര്‍ത്തു.
മരണപ്പെട്ടവരുടെ കുടുംബങ്ങള്‍ക്ക് മന്ത്രാലയം ആത്മാര്‍ത്ഥ അനുശോചനം അറിയിച്ചതായും എല്ലാ രോഗികള്‍ക്കും വേഗത്തില്‍ സുഖം പ്രാപിക്കട്ടെയെന്നും അല്‍ ഷംസി പറഞ്ഞു. പൊതുജനങ്ങളുടെ സംരക്ഷണം ഉറപ്പുവരുത്തുന്നതിനായി ആരോഗ്യ അധികൃതരുമായി സഹകരിക്കണമെന്നും എല്ലാ മുന്‍കരുതല്‍ നടപടികളും പാലിക്കണമെന്നും പൊതുജനങ്ങളോട് അവര്‍ ആഹ്വാനം ചെയ്തു.
Related News
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം
കൊവിഡ്: കേരളം രാജ്യത്തിന് മാതൃക; പ്രതിദിന കേസില് ആശങ്ക വേണ്ടെന്ന് മിഷിഗണ് യൂണിവേഴ്സിറ്റി പ്രൊഫസര് ഭ്രമർ മുഖർജി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
ആലപ്പുഴയിൽ 545 പേർ‌ക്ക് കോവിഡ്